បាត់ដំបង:កាលពីថ្ងៃទី២០ ខែកញ្ញា ឆ្នាំ២០២៣ វេលាម៉ោង ១៧និង៣០នាទី ក្នុងភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសានស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន លោកវរសេនីយ៍ឯកពេជ្រសារ៉ែន ក្រុងបាត់ដំបង ខេត្តបាត់បានដឹកនាំកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុង ចុះប្រតិបត្តិការ បង្ក្រាបករណី ជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យ ចំនួន០១នាក់ឈ្មោះ រឿន ចាន់នី ហៅធំ ភេទស្រី អាយុ ៤៤ឆ្នាំ ជនជាតិខ្មែរ សញ្ជាតិខ្មែរ ទីលំនៅបច្ចុប្បន្ន ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
-*វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០២ថង់សង្ស័យមានសារធាតុញៀន
-ទូរសព្ទដៃចំនួន០១គ្រឿង
-ដែកកេះកែច្នៃសម្រាប់ប្រើប្រាស់ថ្នាំញៀនចំនួន ១
-កាបូបពណ៌ខ្មៅចំនួន ១
-ថង់សម្រាប់ច្រករំលែកថ្នាំញៀនលក់មួយចំនួន
-ប្រាក់រៀលចំនួន ២៤ ម៉ឺនរៀល។
ពេលនេះនគរបាលក្រុងបានបញ្ជូនជនសង័្សយនិងវត្ថុតាងមកកាន់ការិយាល័យជំនាញនៅស្នងការដ្ឋានដេីម្បីអនុវត្តបន្តតាមនីតិវិធី ច្បាប់៕
មតិយោបល់