កាលពីពេលថ្មីៗនេះ Lenovo បានប្រកាសបង្ហាញនូវម៉ូដែលទូរស័ព្ទដៃថ្មីរបស់ខ្លួន​ដែល​មាន​ឈ្មោះ​ថា​ Lenovo​ S2​ smartphone​ នៅ​ CES​ ក្នុង​ទី​ក្រុង​ Las​ Legas​។ ​ត្បិត​តែ​នេះ​ជា​ដំណឹង​ដ៏​គួរ​ឲ្យ​រីករាយ​ក៏​ពិត​មែន​​ប៉ុន្តែ​សម្រាប់​អ្នក​ដែល​និយម​ប្រើ​ Android OS ហាក់​មិន​សូវ​សប្បាយ​ចិត្ត​ចំពោះ​ព័ត៌មាន​នោះ​ទេ​។​ តើ​​ដោយ​សារ​តែ​ហេតុ​អ្វី?​ នោះ​គឺ​មក​ពី ​Lenovo​ S2​ ប្រើ​ប្រព័ន្ធ​ដំណើរ​ការ​ Android​ 2.3​ មិន​មែន​​ Android​ 4.0​ ICS ដែល​ជា​ប្រព័ន្ធ​ដំណើរ​ការ​ថ្មីចុងក្រោយរបស់ Android។ មានអ្វីបន្ថែមទៀតទេ សម្រាប់ Lenovo S2 នេះ? ប្រាកដជាមាន ខាង​ក្រោម​នេះ​គឺ​ជា​លក្ខណៈ​ពិសេស​មួយចំនួនរបស់ Lenovo S2៖

– មានអេក្រង់ទំហំ 3.8 អ៊ីង ទំហំ 800 x 480 ភិចសែល

– មានអង្គប្រតិបត្តិការ 1.4 GHz dual-core Qualcomm Snapdragon 8260 processor

– ប្រើប្រាស់នូវប្រព័ន្ធដំណើរការ Android 2.3

– មានរូបរាង UI ប្រភេទ Lenovo Magic 3.0

– បំពាក់មកនូវការមេរ៉ាកម្រិត 8 មេហ្គាភិចសែល

– មានមេម៉ូរ៉ីក្នុងម៉ាស៊ីនទំហំ 8GB/16GB ព្រមទាំងអាចបន្ថែមបានរហូតដល់ទៅ 32 GB ។ល។

ដើម្បីការពារនូវព័ត៌មាន ឬទិន្នន័យមួយចំនួនផ្ទាល់ខ្លួន Lenovo S2 បានបំពាក់នូវប្រព័ន្ធការពារ​Kernal-Level ហើយសម្រាប់តម្លៃនៅមិនទាន់មានព័ត៌មាននោះទេ។ តាមការឲ្យដឹងបន្ថែម Lenovo S2 នឹងមាន​លក់នៅលើទីផ្សារប្រទេសចិនមុនគេបង្អស់ បន្ទាប់មកទើបចេញលក់តាមបណ្តាប្រទេស និងតំបន់​ផ្សេងៗ៕