ក្រុមហ៊ុន iOne បានបើកសម្ពោធសាខាថ្មីមួយបន្ថែមទៀតនៅក្នុងទីក្រុងភ្នំពេញ ការបើកសម្ពោធ​ជាផ្លូវការ កាលពីព្រឹកថ្ងៃទី ១២ ខែ កុម្ភៈ ឆ្នាំ ២០១២ ហើយសាខាថ្មីនេះមាន ឈ្មោះថា iOne Ratana មានទីតាំងស្ថិតនៅក្នុងផ្សារទំនើបរតនាផ្លាហ្សាជាន់ផ្ទាល់ដី តាមណ្តោយ មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ ក្រោមការចូលរួមពីឯកឧត្តម សុខ ផល និងលោកជំទាវ ហ៊ុន ម៉ាណា និងមានការអញ្ជើញចូលរួមពីសំណាក់ភ្ញៀវ កិត្តិយសយ៉ាងច្រើនកុះករ។

ក្រុមហ៊ុន iOne បានឱ្យដឹងថា ក្រុមហ៊ុនមានគោលបំណងសំខាន់ដែលបង្កើតសាខាថ្មី iOne Ratana នេះឡើង ដើម្បីបំពេញតម្រូវការ និងផ្តល់នូវភាពងាយស្រួលដល់អតិថិជនទូទាំងប្រទេស។

រហូតមកដល់សព្វថ្ងៃនេះ ក្រុមហ៊ុន iOne បានធ្វើការពង្រីកទីតាំងបានចំនួន ៧ កន្លែងហើយនៅក្នុងប្រទេសកម្ពុជា។ ទីតាំងហាងថ្មីនេះ ក៏ជាហាង Apple Premiun Reseller ធំទីបីសម្រាប់ប្រទេសកម្ពុជាផងដែរ។