ស្ថាប័នកាសែត២របស់កូរ៉េខាងត្បូង ប្រាប់ឲ្យដឹងថាកូរ៉េខាងជើងបានបាញ់សាកល្បងកាំជ្រួចម៉ីស៊ីលរយ: ចម្ងាយខ្លីចេញពីឆ្នេរសមុទ្រខាងលិច។
កាសែត ចូសុន អ៊ីលបូ (Chosun Ilbo) ប្រាប់ឲ្យដឹងថាកាំជ្រួចម៉ីស៊ីល២គ្រាប់បានបាញ់បង្ហោះកាលពី ថ្ងៃព្រហស្បតិ៍ចេញពីលើដីទៅកប៉ាល់ដឹកម៉ីស៊ីល។ ប្រភពព័តមានដដែលនោះប្រាប់ឲ្យដឹងទៀតថាខ្លួនបានដឹងមកពីមន្រ្តីយោធាម្នាក់ ដែលមិនប្រាប់ឲ្យដឹងឈ្មោះថាការបាញ់បង្ហោះនោះ មានគោលបំណងធ្វើឲ្យប្រសើរឡើងនូវសមត្ថភាពកាំជ្រួចម៉ីស៊ីលហើយមិន ទាក់ទិននឹងការបាញ់បង្ហោះកាំជ្រួចរ៉ុកកែតដែលគ្រោងធ្វើនៅខែ ក្រោយទេ។
កាសែត ជូង អាង អ៊ីលបូ (JoongAng Ilbo) បានធ្វើសេចក្តីរាយការណ៍ស្រដៀងគ្នា។
កូរ៉េខាងជើង ប្រាប់ឲ្យដឹងថាខ្លួននឹងបាញ់បង្ហោះគ្រាប់រ៉ុកកែតរយ:ចម្ងាយវែងពី ឆ្នេរសមុទ្ររបស់ខ្លួននៅពាក់កណ្តាលខែមេសាដែលមានគោលបំណងដាក់ ផ្កាយរណបពិនិត្យមើលអាកាសធាតុចូលក្នុងគន្លងផែនដីដើម្បីប្រារព្ធ ខួបលើកទី១០០នៃថ្ងៃកំណើតរបស់លោក គីម អ៊ីល ស៊ុង (Kim Il Sung) មេដឹកនាំបង្កើតប្រទេសកូរ៉េខាងជើង។
ប្រែសម្រួលដោយ៖ បុរសដំណឹង
មតិយោបល់