ជឿជាក់ថា ស្ដ្រីមេផ្ទះគ្រប់រូបតែងតែជួបប្រទះនូវទឹកក្រូចឆ្មារ ដែលច្របាច់រួច មានរសជាតិល្វីង។ បញ្ហានេះ បានបណ្ដាលឲ្យស្ដ្រីមេផ្ទះជាច្រើនឈឺក្បាល។

តើហេតុអ្វីបានជាទឹកក្រូចឆ្មារដែលច្របាច់រួច មានរសជាតិល្វីង? នេះបណ្ដាលមកពីជាតិប្រេង ដែលមានជាប់នៅក្នុងសម្បកក្រូច។ បើដូច្នេះ តើត្រូវធ្វើដូចម្ដេចដើម្បីកុំឲ្យទឹកក្រូចឆ្មារដែលច្របាច់រួម មានរសជាតិល្វីង? នេះជារឿងងាយនោះទេ ជាដំបូងស្រ្ដីមេផ្ទះ ត្រូវយកក្រូចឆ្មារដែលចង់ប្រើទៅជ្រលក់ទឹកក្ដៅ ជាមុន ការធ្វើបែបនេះគឺដើម្បីកម្ចាត់ជាតិប្រេងដែលមាននៅក្នុងសម្បកក្រូចឆ្មារ។

ក្រោយពីនេះ ស្រ្ដីមេផ្ទះអាចយកក្រូចឆ្មារទៅពុះ ឬបំបែកជាចំណែក ច្របាច់យកទឹក នោះទឹកក្រូចឆ្មារដែលទទួលបាន វានឹងមិនមានរសជាតិល្វីងទៀតទេ៕