អនុសាខាកាកបាទក្រហមកម្ពុជាខណ្ឌឫស្សីកែវ ជានិច្ចកាលតែងតែបានទទួលអំណោយ ពីសប្បុរសជន, ព្រះសង្ឃ និងជនរួមជាតិនានាបន្តបន្ទាប់ ដើម្បីយកទៅជួយដល់ពលរដ្ឋ ទីទ័លក្រីក្រ, ពិការ, ជរា, អ្នកមានផ្ទុក មេរោគអេដស៏ ដែលមានជីវភាពខ្វះខាត។ ជាក់ស្តែងដូចជានៅព្រឹកថ្ងៃទី ១០ ខែ កញ្ញា ឆ្នាំ ២០១២ ព្រះតេជគុណ សុវណ្ណជោតិ ខឹម សម្បត្តិ ព្រះចៅអធិការវត្តញាណរង្សី និងជាប្រធានសហគមន៏មូលនិធិនគរកាយ វត្តព្រះពុទ្ធ សាសនា ព្រមទាំងគណ:កម្មការអាចារ្យវត្តញាណរង្សី សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ បានប្រគេន ទេយ្យវត្ថុ ជូនដល់អនុសាខាកាកបាទក្រហមកម្ពុជាខណ្ឌឫស្សីកែវ។
ទេយ្យវត្ថុ ដែលទទួលបានរួមមាន ៖ ថវិកា៤.០០០.០០០រៀល, អង្ករ១តោន, ទឹកស៊ីអីវ១០យួរ, ទឹកត្រី១០យួរ, មី១០កេសតូច, ស្កសរ០៣Kg, ទឹកដោះគោ ២០កំប៉ុង, ទឹកក្រូច៥កេស, ត្រីខ១០យួរ, ទឹកសុទ្ធ១០កេស និង តែ៥០កញ្ចប់។ ដោយឡែក វត្តចំនួន១៤ទៀត ក្នុងខណ្ឌ ឫស្សីកែវ ក៏បានចូលរួមឧបត្ថម្ភ អំណោយបន្ថែមទៀត ក្នុងនោះរួមមាន ៖
១. វត្តមង្គលសត្ថាវ័ន មាន ៖ អង្ករ៥០Kg, បំពង់ទឹកក្តៅ១០, វែកបាយ១០, មី៥កេស, ស្រាក់១០, ចានដែកធំ២, ទឹកត្រី៥យួរ, ខ្ទះ១០, ចានដែកជ័រ១០, ទឹកស៊ីអីវ៥យួរ, វែកឆា១០ និងឆ្នាំងបាយ១០។
២. វត្តប្រជុំសាគរ មាន ៖ ថវិកា១០០.០០០រៀល, អង្ករ៥០Kg, បំពង់ទឹកក្តៅ២, មី២កេស, ទឹកត្រី២យួរ, ទឹកស៊ីអីវ ២យួរ, កំសៀវទឹក២, ភួយ២ និងមុង២។
៣. វត្តសុវណ្ណបុទុម មាន ៖ ថវិកា៥០.០០០រៀល, មី២កេស, ទឹកត្រី២យួរ, ទឹកស៊ីអីវ៣យួរ, កំសៀវទឹក១, វែកឆា១, ធុងតូច១, ចានដែក១, ស្រាក់១អំបិល១កញ្ចប់ ខ្ទះ១ និងឆ្នាំងតូច៣។
៤. វត្តឧត្តរាវត្តី មាន ៖ ថវិកា១០០.០០០រៀល, អង្ករ៥០Kg, ស្ករស៥Kg, មី២កេស, ទឹកដោះគោ៥កំប៉ុង, និង តែ ៤កញ្ចប់ ។
៥. វត្តសាមគ្គីក្បាលកោះ មាន ៖ ថវិកា ៥០.០០០រៀល, មី៣កេស, ត្រីខ១យួរ។
៦. វត្តឧទុម្ពរ មាន ៖ ថវិកា១០០.០០០រៀល, អង្ករ៥០Kg, មី១កេស, ទឹកត្រី៥យួរ, ប្រឡុង១, អំបិល៥យួរ។
៧. វត្តសូរិយាពោធិមាស មាន ៖ ថវិកា១០០.០០០រៀល, មី២កេស, ទឹកត្រី១យួរ, ទឹកស៊ីអីវ១យួរ។
៨. វត្តពោធិព្រះឥន្ធ មាន ៖ ថវិកា១០០.០០០រៀល, ចានស្រាក់៦២, មី១កេស, ទឹកត្រី២យួរ, ទឹកស៊ីអីវ១យួរ, វែកសម្ល៣, ឆ្នាំងបាយ៣ និងវែកបាយ៣។
៩. វត្តក្រពុំពេជ្រ មាន ៖ ថវិកា២៥០.០០០រៀល។
១០. វត្តពោធិយារាម មាន ៖ ថវិកា១០០.០០០រៀល, អង្ករ៥០Kg។
១១. វត្តអម្ពរផល មាន ៖ ថវិកា៥០.០០០រៀល, មី៣កេស, ទឹកត្រី១យួរ, ទឹកស៊ីអីវ១យួរ, ស្ករស៥Kg, ទឹកសុទ្ធ២ កេស។
១២.វត្តមង្គលសិរីកៀនឃ្លាំង មាន ៖ ថវិកា២០០.០០០រៀល, ត្រីខ៥០កំប៉ុង, តែ២០កញ្ចប់, ទឹកដោះគោ២០កំប៉ុង, ទឹកត្រី២យួរ, ទឹកស៊ីអីវ២យួរ, ស្ករស២០កញ្ចប់, និងមី២កេសធំ និង១កេះតូច ។
១៣.វត្តឥន្ទពិសី មាន ៖ ថវិកា១០០.០០០រៀល, ទឹកសុទ្ធ១កេស, ប្រឡុង១, មី១កេស, ទឹកត្រី១យួរ, ទឹកស៊ីអីវ ១យួរ ។
១៤.វត្តវារិន្ទ មាន ៖ ថវិកា២០០.០០០រៀល, អង្ករ៥០Kg, មី២កេសធំ, ទឹកត្រី២យួរ, ទឹកស៊ីអីវ២យួរ។
ក្នុងឪកាសនោះដែរ លោក ជា ពិសី ប្រធានអនុសាខាកាកបាទក្រហមកម្ពុជាខណ្ឌឫស្សីកែវ និងជាអភិបាលរង ខណ្ឌ បានមានប្រសាសន៏ និងការថ្លែងអំណរគុណយ៉ាងជ្រាលជ្រៅចំពោះ ព្រះតេជគុណសុវណ្ណជោតិ ខឹម សម្បត្តិ ព្រមទាំងគណ:កម្មការអាចារ្យវត្តញាណរង្សី ដែលតែងតែយកចិត្តទុកដាក់ បរិចាកទាំងកម្លាំងកាយ-ចិត្ត ដូចជាថវិកា និងសម្ភារ:ជាដើម ក្នុងការជួយឧបត្ថម្ភ ដើម្បីសំរាលរាល់ការលំបាក របស់ប្រជាពលរដ្ឋខ្មែរមួយចំនួនដែលពួកគាត់ មានជីវភាពទីទ័លក្រីក្រ, ពិការ, ជរា, អ្នកមានផ្ទុកមេរោគអេដស៏ជាដើម។
ជាចុងក្រោយ លោក ជា ពិសី បានសន្យាថា ទេយ្យវត្ថុដែលទទួលបាន លោក និងក្រុមការងារអនុសាខាកាក បាទក្រហមកម្ពុជាខណ្ឌឫស្សីកែវ នឹងយកទៅចែកជូនប្រជាពលរដ្ឋងាយរងគ្រោះឲ្យបានគ្រប់ៗគ្នា៕

អត្ថបទ៖Phnompenh.gov.kh