យោងតាមឯកសាររបស់គណៈកម្មការមូលធនបត្រ និងរូបិយប័ណ្ណសហរដ្ឋអាមេរិក បានឲ្យដឹងថា អតីតបុគ្គលិកដែលប្រកាសចូលនិវត្ដន៍ ហើយត្រឡប់មកបម្រើការងារវិញរបស់ក្រុមហ៊ុន Apple បានលក់ប័ណ្ណភាគហ៊ុនចំនួន 35,000។
លោក Bob Mansfield ដែលជាប្រកាសចូលនិវត្តន៍កាលពីខែមិថុនា ហើយត្រូវបានក្រុមហ៊ុន Apple អញ្ជើញឲ្យមកធ្វើការវិញ បានលក់ប័ណ្ណភាគហ៊ុននៅក្នុងក្រុមហ៊ុន Apple ចំនួន 35,000 ទទួលបានទឹកប្រាក់ចំនួន $20.80 លានដុល្លារ។
កាលលក់ប័ណ្ណភាគហ៊ុនរបស់លោក Bob Mansfield ត្រូវបានធ្វើឡើងកាលពីថ្ងៃពុធទី ២៨ខែវិច្ឆិកា ឆ្នាំ ២០១២ ហើយតាមការបញ្ជាក់ពី គណៈកម្មការមូលធនបត្រ និងរូបិយប័ណ្ណសហរដ្ឋអាមេរិក បានឲ្យដឹងបន្ថែមទៀតថា នេះគឺជាចំណែកភាគហ៊ុនមួយប៉ុណ្ណោះ នៅមានច្រើនជានេះទៅ ដែលលោកកំពុងតែកាន់កាប់ក្នុងដៃ។
គួរបញ្ជាក់ផងដែរថា ក្រោយពេលដែលចូលបម្រើការងារនៅក្នុងក្រុមហ៊ុន Apple វិញលោក Bob Mansfield ត្រូវបានតែងតាំងជាទីប្រឹក្សាផ្ទាល់របស់លោក Tim Cook នាយកប្រតិបត្តិ Apple និងជា ប្រធានបច្ចេកវិទ្យា៕
មតិយោបល់