កាលពីថ្មីនេះ ក្រុមហ៊ុន Facebook និង Zynga បានធ្វើការសើរើនូវកិច្ចព្រមព្រៀងគ្នានឹងគ្នា ដែលបានធ្វើឡើងតាំងពីឆ្នាំ ២០១០ ដែលក្រោយពីសើរើរួច ក្រុមហ៊ុន Facebook បានលុបចោលនូវលក្ខខណ្ឌមួយចំនួន។
យោងតាមប្រភពព័ត៌មានដែលទទួលបានពី Business Insider បានឲ្យដឹងថា តាមការសើររើកុងត្រាថ្មីនេះ គេសង្កេតឃើញថា ក្រុមហ៊ុន Facebook ហាក់ដូចជាផ្លាស់ប្ដូរឥរិយាបទចង់ឈប់ប្រើប្រាស់នូវហ្គេមរបស់ក្រុមហ៊ុន Zynga ដោយចង់បង្កើតហ្គេមខ្លួនឯង។
ក្រោយពីមានពាក្យចចាមអារ៉ាមជាច្រើនមក លោក Mark Zuckerberg ដែលជាស្ថាបនិក និងជានាយកប្រតិបត្តិ Facebook បាននិយាយថា Facebook មិនធ្លាប់គិតថា ចង់បង្កើតហ្គេមសម្រាប់ បណ្ដាញសង្គមដោយខ្លួនឯងនោះទេ។
គួរបញ្ជាក់ផងដែរថា ក្រុមហ៊ុន Zynga គឺជាក្រុមហ៊ុនផលិតហ្គេមមួយដែលផ្គត់ផ្គង់ឲ្យក្រុមហ៊ុន Facebook ហើយក៏ជាអ្នកផ្គត់ផ្គង់ធំជាងគេផងដែរ៕
មតិយោបល់