កីឡាករវាយកូនបាល់ទោលសញ្ជាតិអាហ្សង់ទីន Juan Ignacio Chela បានធ្វើសេចក្តីប្រកាសថាគាត់នឹងចូលនិវត្តន៍ក្នុងពេលឆាប់ៗខាងមុខនេះ ពីពិភពកីឡា។
ម្ចាស់ពានរង្វាន់ ៦លើក របស់ ATP Tour ហើយក៏ទទួលបានលេខរៀងទី ១៥ កាលពីខែ សីហា ឆ្នាំ ២០០៤ ហើយក៏មានឱកាសឈានចូលវគ្ក ១៦ នាក់ចុងក្រោយ ក្នុងកម្មវិធី French Open នាឆ្នាំជាមួយគ្នានេះដែរ។
នៅក្នុងចំនោមពានរង្វាន់ទាំង អស់នោះ ក៏មានពានរង្វាន់ ៣ ជាប់គ្នា ដែលបានពី ទីលានប្រយុទ្ធ ដីឥដ្ឋ ខណៈដែលកីឡាកររូបនេះឈានចូលវគ្គ ៨ នាក់ចុងក្រោយនៅឯ Rolland Garros កាលពីឆ្នាំ ២០១១ ។
Juan Ignacio Chela បានធ្វីតនៅលើធ្វីតទ័រជាភសាអេស្ប៉ាញថា “អស់រយៈពេលជាច្រើនឆ្នាំហើយដែលធ្វើឲ្យជីវិតរបស់ខ្ញុំមានការប្រែប្រួលលើដងវិថីនេះ ហើយខ្ញុំក៏សម្រេចថានឹងចូលនិវត្តន៍ពីពិភពវាយកូនបាល់” ។
កីឡាករវ័យ ៣៣ ឆ្នាំរូបនេះបានពុះពារគ្រប់ឧបសគ្គក្នុងរដូវកាលនេះ ហើយជ័យជម្នះចុងក្រោយរបស់គាត់គឺនៅ Acapulco ដែលធ្វើឡើងកាលពីខែ កុម្ភះ ។ចំណែការប្រកួតចុងក្រោយនោះនៃអាជីពអស់រយៈពេល ១៤ ឆ្នាំនោះគឺធ្វើឡើងនៅ Wimbledon កាលពីខែ មិថុនា ដោយចាញ់រហូតដល់ទៅ ៥សិត ក្រោមទម្រង់លេងរបស់កីឡាករ ស្លូវ៉ាគី Martin Klizan នៅជុំទី ១៕
មតិយោបល់