រដ្ឋាភិបាលនៃចក្រភពអង់គ្លេស បានផ្តល់នូវសេវាកម្ម Wi-Fi ជាមួយនឹងល្បឿនលឿនដល់រថយន្តតាក់ស៊ី នៅក្នុងទីក្រុងឡុងដ៍។
យោងតាមសេចក្ដីប្រកាសបានឲ្យដឹងថា សេវាកម្ម Wi-Fi នេះ គឺខាងក្រុមហ៊ុន Eystese ជាអ្នកផ្គត់ផ្គង់ ដោយអ្នកដំណើរដែលបានធ្វើដំណើរតាមរថយន្តតាក់ស៊ីទាំងអស់អាចប្រើប្រាស់ Wi-Fi ដោយឥតគិតថ្លៃនៅក្នុងរថយន្ត ខណៈពេលដែលកំពុងធ្វើដំណើរ។
នៅពេលដែលអ្នកដំណើរចាប់ផ្តើមប្រើប្រាស់នូវសេវាកម្មនេះភ្លាម អ្នកដំណើរនឹងទទួលបាននូវការផ្សព្វផ្សាយពាណិជ្ជកម្មពីក្រុមហ៊ុនដែលផ្តល់សេវាកម្មចំនួន ១៥វិនាទី ក្រោយពីផ្សព្វផ្សាយពាណិជ្ជកម្មនេះចប់ នោះអ្នកដំណើរអាចប្រើ Wi-Fi បាន។ ក្នុងការប្រើប្រាស់ មានរយៈពេលត្រឹមតែ ១៥នាទីប៉ុណ្ណោះ លើសពីនេះ វានឹងធ្វើការផ្សព្វផ្សាយពាណិជ្ជកម្មម្ដងទៀត។
គួរបញ្ជាក់ផងដែរថា ការផ្ដល់ជួននេះ នឹងត្រូវចាប់ផ្តើមអនុវត្តនៅដើមឆ្នាំ ២០១៣ ដែលអាចប្រើប្រាស់បានទាំង 3G និង 4G៕
មតិយោបល់