កូរ៉េខាងជើងត្រូវបានទទួលស្គាល់ថាជាប្រទេសជើងខ្លាំងខាងសម្ភារវុធទំនើបៗដូចជាមីស៊ីលជាដើម ។ នៅព្រឹកថ្ងៃពុធនេះ វេលាម៉ោង ៩ និង ៤៩ នាទីម៉ោងនៅក្នុងតំបន់ ប្រទេសកូរ៉េខាងជើង បានធ្វើការបាញ់សាកល្បង គ្រាប់រ៉ូកែត រយ:ឆ្ងាយហោះកាត់ កោះអូគីណាវ៉ា ដែលជាទឹកដីរបស់ប្រទេស ជប៉ុន ប៉ុន្តែជប៉ុនមិនបាន បាញ់ទំលាក់ដូចដែលអ្វីដែលខ្លួនបាននិយាយនោះទេ ។ ពាក់ព័ន្ធទៅនឹង អភិវិឌ្ឍន៍សម្ថភាពអាវុធនុយក្លេអ៊ែនេះ ដែរ គេហទំព័រ ដំណឹង សូចចុះផ្សាយពីប្រភេទមីស៊ីលសក្តានុពលទាំង ៤ប្រភេទ របស់កូរ៉េខាងជើងដូចខាងក្រោម:
១- Nodong missile
ប្រភេទមីស៊ីលរយ:ចម្ងាយមួយនេះ ត្រូវបានក្រុមកាងារវិទ្យាសាស្ត្ររបស់ប្រទេសកូរ៉េខាងជើង ចាប់ផ្តើមស្រាវជ្រាវតាំងពី ទស្សវត្សឆ្នាំ ១៩៨០ មកម្លេះដោយដាក់ឈ្មោះថា Nodong ដែលប្រេភទមីស៊ីលនេះ អាចហោះបាននូវរយ:ចម្ងាយ ១០០០ គីឡូម៉ែត វាហាក់មានចម្ងាយប្រហែលពី ប្រទេសកូរ៉េខាងជើងទៅកាន់ ប្រទេសជប៉ុន ។ តាមការស្រាវជ្រាវរបស់ទីភ្នាក់ងារស្រាវជ្រាវការសាយភាយអាវុធនុយក្លេអ៊ែររបស់អាមេរិក បានបង្ហាញថា អាវុធប្រភេទ Nodong នេះអាចមានភាពមិនទៀងទាត់នូវរយ:ចម្ងាយ ២ ទៅ ៤ គីឡូម៉ែត ប៉ុន្តែវានឹងផ្តល់នូវភាពមហន្តរាយយ៉ាងខ្លាំង ដល់ប្រជាជនជប៉ុនប្រសិនបើ វាត្រូវបានប្រើប្រាស់សំរាប់ប្រឆាំងនឹងប្រទេសជប៉ុននោះ ។
២- Musudan missile
ប្រភេទមីស៊ីមួយនេះមានឈ្មោះហៅផ្សេងទៀតថា Nodong-B រឺ Taepondong-X ដែលជាប្រភេទមីស៊ីលមានរយ:ចម្ងាយឆ្ងាយគួរសម្យ ។ តាមការប៉ាន់ស្មាន ប្រភេទនេះមានគោលដៅរយ:ចម្ងាយដល់ កោះអូគីណាវា និង មូលដ្ឋានយោធារបស់សហរដ្ឋអាមេរិក នៅប្រទេសជប៉ុន ប្រចាំអាស៊ីបាស៊ីហ្វិក ។ បើតាមទីភ្នាក់ងារស្រាវជ្រាវអាវុធនុយក្លេអ៊ែរអ៊ីរ៉ង់ បានប៉ាន់ស្មានថា អាវុធនុយក្លេអ៊ែរប្រភេទ Musudan មានរយ:ចម្ងាយប្រហែល ២៥០០ គីឡូម៉ែត ខណ:ដែលទីភ្នាក់ងារកាពារអវុធនុយក្លេអ៊ែររបស់សហរដ្ឋអាមេរិក សន្មតថាវាមានរយ:ចម្ងាយ ៣២០០ គីឡូម៉ែត ហើយប្រភពដ៏ទៃទៀតថា មានរយ:ចម្ងាយរហូតដល់ទៅ ៤០០០ គីឡូម៉ែត ។ ជាក់ស្តែងអាវុធប្រភេទ Musudan នេះពុំធ្លាប់បានបាញ់សាកល្បងនោះទេ ព្រោះវាត្រូវចំណាយប្រាក់ច្រើនសំរាប់ការដឹកជញ្ជូន នេះបើតាមរបាយការណ៏របស់ ទីភ្នាក់ងារស្រាវជ្រាវការសាយភាយអាវុធនុយក្លេអ៊ែរ ។
៣- Taepodong-1
Taepodong-1 រឺ Paektusan-1 ជាប្រភេទម៉ីសីលដំបូងបង្អស់របស់ប្រទេសកូរ៉េខាងជើង ដែលធ្លាប់បានបាញ់សាកល្បងម្តងកាលពីខែ សីហា ឆ្នាំ ១៩៩៨ នៅលំហអាវកាស ។ វាមានរយ:ចម្ងាយ ២២០០ គីឡូម៉ែត ហើយត្រូវបានគេជឿជាក់ថាមីស៊ីលប្រភេទនេះមានភាពមិនទៀតទាត់នូវរយ:ចម្ងាយ ច្រើនជាងមីស៊ីលប្រភេទ Nodong ។ បើតាមអ្នកវិភាគវិទ្យាសាស្ត្រ បានបង្ហាញថា មីស៊ីលប្រភេទ Taepodong-1 នេះត្រូវបានគេប្រើប្រាសសំរាប់ សមត្ថភាពយោធានោះទេ គ្រាន់តែសំរាប់ការសាកល្បងអវកាសប៉ុណ្ណោះ ។
៤- Taepodong-2
Taepodong-2 រឺ Paektusan-2 ជាប្រភេទមីស៊ីលដែលត្រូវបានក្រុមអ្នកស្រាវជ្រាវអាវុធនុយក្លេអ៊ែរ របស់កូរ៉េខាងជើង អភិវឌ្ឍន៍សម្ថភាពពី Taepodong-1 ហើយជាប្រភេទមីស៊ីលដែលមានរយ:ចម្ងាយឆ្ងាយខ្លាំង ។ រយ:ចម្ងាយរបស់ Taepodong-2 ត្រូវបានគេជឿជាក់ថាមានរយ:ចម្ងាយរហូតពីចន្លោះ ៥០០០ ទៅ ១៥០០០ គីឡូម៉ែត តែត្រូវទីភ្នាក់ងារស្រាវជ្រាវការសាយភាយអាវុធនុយក្លេអ៊ែររបស់សហរដ្ឋអាមេរិកធ្វើការបាន់ស្ថាននូវ រយ:ចម្ងាយឆ្ងាយបំផុតរហូតដល់ទៅ ៦០០០ គីឡូម៉ែត ។ មីស៊ីលប្រភេទនេះត្រូវបានបាញ់សាកល្បង ៣ដងកាលពីឆ្នាំ ២០០៦ ២០០៩ និង ២០០១២ ប៉ុន្តែការសាកល្បងនោះពុំបានសម្រេចនោះទេ ហើយត្រូវបានថ្កោលទោសយ៉ាងខ្លាំងពីសំណាក់ កូរ៉េខាងត្បូងនិងសម្ព័ន្ធមិត្ត សហរដ្ឋអាមេរិក៕
ប្រែសម្រួលអត្ថបទដោយ៖ លោក ជួប រតនា
មតិយោបល់