ប្រទេសកម្ពុជាបានមើលឃើញឱនភាពពាណិជ្ជកម្ម ១,៤៨ពាន់លានដុល្លារអាមេរិក សម្រាប់រយៈពេល ៩ខែដំបូងឆ្នាំ ២០១៣។ នេះបើយោងតាមរបាយការណ៍របស់ក្រសួងពាណិជ្ជកម្ម បានឲ្យដឹងកាលពីថ្ងៃសុក្រម្សិលមិញ។
ទីភ្នាក់ងារសារព័ត៌មានចិន ស៊ិនហួ បានឲ្យដឹងថា ការនាំចូល និងនាំចេញសរុប គិតជាទឹកប្រាក់មានចំនួន ១១,៨២ពាន់លានដុល្លារអាមេរិក នៅក្នុងចន្លោះខែមករា-កញ្ញា ដោយបានកើនឡើង ២០ភាគរយ ធៀបនឹងរយៈពេលដូចគ្នាឆ្នាំមុន មានទឹកប្រាក់ចំនួន ៩,៨៨ពាន់លានដុល្លារអាមេរិក។
ការនាំចេញបានកើនឡើង ២៨ភាគរយ មានទឹកប្រាក់ចំនួន ៥,១៧ពាន់លានដុល្លារអាមេរិក ខណៈដែលការនាំចូលកើនឡើង ១៦ភាគរយ ស្មើនឹង ៦,៦៥ពាន់លានដុល្លារអាមេរិក ដែលធ្វើឲ្យប្រទេសកម្ពុជាជួបឱនភាពពាណិជ្ជកម្ម ១,៤៨ពាន់លានដុល្លារអាមេរិក។
ដៃគួពាណិជ្ជកម្មសំខាន់ៗរបស់កម្ពុជាមាន សហរដ្ឋអាមេរិក បណ្ដាប្រទេសក្នុងតំបន់អឺរ៉ុប ចិន កូរ៉េខាងត្បូង ជប៉ុន ថៃ វៀតណាម សិង្ហាបុរី និងម៉ាឡេស៊ី។
ការនាំចេញច្រើនជាងគេរបស់កម្ពុជាមានដូចជាង សម្លៀកបំពាក់ ស្បែកជើង កៅស៊ូស្ងួត អង្ករ និងដំឡូងមី៕
មតិយោបល់