ក្រុមហ៊ុន​ផលិត​ហ្គេម​សម្រាប់​បណ្ដាញ​សង្គម Zynga ជិត​នឹង​ដំណើរការ​ហ្គេម​ដែល​ចាយលុយ​ពិតៗ (Real-Money Gaming) នៅលើ​គេហទំព័រ​ចំនូ​ន ២​នៅក្នុង​ចក្រភព​អង់គ្លេស​។​

​អ្នកនាំពាក្យ​របស់​ក្រុមហ៊ុន Zynga បាន​ថ្លែង​ឲ្យដឹង​កាលពី​ថ្មីៗ​នេះ​ថា ក្រុមហ៊ុន​ទទួល​កម្មសិទ្ធិ ពី​រដ្ឋអំណាច និង Gibraltar Gambling Commissioner ប្រចាំ​តំបន់​ក្នុង​ការដាក់​ឲ្យ​លេង​ហ្គេម​តាមរយៈ​អន​ឡាញ​ដោយ​ចំណាយ​លុយ​ពិតៗ​នៅក្នុង​ចក្រភព​អង់គ្លេស ដែល​មាន​គេហទំព័រ​ចំនួន​២ គឺ Zynga Plus Poker និង Zynga Plus Casino ហើយ​នឹង​ដំណើរការ​នៅ​ដើមឆ្នាំ ២០១៣​។​

​គួរ​បញ្ជាក់​ផង​ដែរ​ថា លោក Mark Pincus នាយក​ប្រតិបត្តិ​ក្រុមហ៊ុន Zynga បាន​សន្យា​កាលពី​ខែតុលា កន្លងទៅ​ថា ខ្លួន​នឹង​ដំណើរការ​ហ្គេម​ដែល​ប្រើ​លុយ​ពិតៗ​នៅ​ឆ្នាំ ២០១៣ ហើយ​សហការ​ជាមួយ bwin.party នៅក្នុង​ចក្រភព​អង់គ្លេស ដែល​មាន​ហ្គេម​រហូតដល់ ១៨០៕​