កីឡាការិនីវាយតិន្នីសលំដាប់ទី ២ របស់ពិភពលោក នាងMaria Sharapova បានរៀបចំខ្លួនប្រាណរួចរាល់ហើយ សម្រាប់ចូលរួមការប្រកួតនៅ Australian Openតែ គួរឲ្យសោស្តាយនាងត្រុវបានដកខ្លួនចេញដោយសារតែបញ្ហារបួសត្រង់ក នោះ។
កីឡាការិនីវ័យ ២៥ ឆ្នាំរូបនេះធ្លាប់ទទួលបានពានរង្វាន់ ៤ ពី grand slam ហើយនាងត្រូវចួលរួមបង្ហាញទម្រង់លេងជាមួយនឹង កីឡាការិនី Caroline Wozniackiរបស់ដាណឺម៉ាក នៅថ្ងៃ សុក្រស្អែកនេះតែម្តងនៅប្រទេសកូរ៉េ ខាងត្បូង។
អ្វីៗ វាបានប្រែប្រួល មិនដូចការគិតឡើយ បញ្ហារបួស កខាងលើ បានធ្វើកីឡាការិនី វ័យ ២៥ ឆ្នាំរូបនេះត្រូវដកខ្លួនចេញពីការប្រកួត នៅថ្ងៃ ពុធ ម្សិលមិញ ដោយនៅលើ ទំព័របណ្តាញទំនាក់ទំនងសង្គមហ្វេសប៊ុករបស់នាង បានប្រកាសថានាងត្រុវការសម្រាក។
Maria Sharapova បាននិយាយថា “សម្រាប់អ្នកគ្រប់គ្នានៅកូរ៉េ ខាងត្បូង ខ្ញុំពិតជាសុំទោស ខ្ញុំចាំបាច់ណាស់ត្រូវដកខ្លួនពីការបង្ហាញទម្រង់លេងនៅទីនោះ ដោយសារតែបញ្ហារបួសបានយាយីនោះ ។ម្យ៉ាងវិញទៀតគ្រូពេទ្យបានធ្វើបទបញ្ជាដាច់ខាត់ឲ្យខ្ញុំឈប់ដើម្បីព្យាបាលចំពោះរបួសនេះ តែវាមិនយូរទេ តែ ២ ទៅ ៣ ថ្ងៃតែប៉ុណ្ណោះ”។
កីឡាការិនីរូបនេះបានបន្តទៀតថា “ចាំបាច់ណាស់ខ្ញុំត្រុវតែដកខ្លួន ខ្ញុំពិតជាសូមទោសសម្រាប់Fan ដែលនៅទីក្រុង សេអ៊ូលទាំងអស់ ដែលខ្ញុំមិនអាចបង្ហាញទម្រង់ជូនអ្នករាល់គ្នា”៕
មតិយោបល់