កីឡាករ​សញ្ជាតិ​ស៊ែ​ប៊ី Janko Tipsarevic បាន​ធ្វើ​ដំណើរ​ឆ្ពោះ​ទៅកាន់ វគ្គ​១៦ នាក់​នៃ​កម្មវិធី Chennai Open ដោយ​បង្ហាញ​ទម្រង់​លេង​យ៉ាង​ចាស់ដៃ​លើ​កីឡាករ​វា​យតិ​ន្នី​ស Edouard Roger-Vasselin ។​

​ការប្រកួត​ជុំ​ដំបូង​នៃ​កម្មវិធី​ខាងលើ កីឡាករ Janko Tipsarevic បាន​ឈ្នះ​ដោយ​ពិន្ទុ 2-0 ពោល​គ្រាប់​បាល់ 6-2 និង 6-3 ។​កីឡាករ Janko Tipsarevic បាន​និយាយ​ក្រោយ​ចប់​ការប្រកួត​ថា “​ខ្ញុំ​មិនដែល​ឈ្នះ​យ៉ាង​ងាយស្រួល​នៅ​ជុំ​ដំបូង ចឹង​ទេ “​។​

Janko Tipsarevic ក៏​បាន​រៀបចំ​ខ្លួន​រួចរាល់​ហើយ​ដែរ ដើម្បី​ចូល​ទៅ​ប្រទុស្ធវាយ ក្នុង​កម្មវិធី Australian Open ដែល​ចាប់ផ្តើម​ធ្វើឡើង​នៅ​ថ្ងៃ​ទី ១៤ ខែ មករា ខាងមុខនេះ​។​

​សម្រាប់​ជុំ​បន្ទាប់​នៃ​កម្ម​វី​ធី Chennai Open កីឡាករ​សញ្ជាតិ​ស៊ែ​ប៊ី​រូប​នេះ​នឹង​ត្រូវ​ឡើង​ទៅ​ជួប​មុខ​កីឡាករ Go Soeda ដែលជា​កីឡាករ​របស់​ជប៉ុន​លំដាប់​ទី ៨ ដែល​បាន​បំបាក់ Prakash Amritraj​របស់​ឥណ្ឌា​នោះ​។​
​កាលពី​ឆ្នាំ កន្លង​ទៅ​កីឡាករ Go Soeda ក៏​បាន​ឈាន​ចូល​ទៅ​វគ្គ ពាក់កណ្តាល​ផ្តាច់ព្រ័ត្រ​ផងដែរ ។​ចំណែក​លើក​នេះ កីឡាក​រូបនេះ​បាន​ប្រើ​ពេលវេលា ២ ម៉ោង នឹង​៣០ នាទី​ដើម្បី​បំបាក់​ជម្រុះ​កីឡាករ ឥណ្ឌា ដោយ​ពិន្ទុ 2-1 ពោល​គ្រាប់​បាល់ 7-6 (7-2) 3-6 និង​6-4៕​