ទីភ្នាក់ងារ​សារព័ត៌មាន​យ៊ុ​ន​ហាបរ​បស់​កូរ៉េខាងត្បូង​បាន​រាយការណ៍​មក​ថា ក្រុមហ៊ុន Apple បាន​ស្នើ​ទៅ​កាន់​ក្រុមហ៊ុន​បង្កើត​នូវ​ផលិតផល​ពាក់កណ្ដាល​ចម្បង​របស់​តៃវ៉ាន់ TSMC ឲ្យ​បង្កើត​បន្ទះ​ឈីប A6X Processors​។​

​ប្រភព​ដដែល​បាន​បន្តទៀតថា បន្ទះ​ឈីប A6X Processors នឹង​ត្រូវ​ផលិត​ឡើង​សម្រាប់​ត្រីមាស​ទី​១​ឆ្នាំ ២០១៣ ហើយ​បើ​តាម​ការឲ្យដឹង​បន្ថែម បន្ទះ​ឈីប A6X Processors នេះ​គឺ​ផលិត​សម្រាប់ iPad និង iPad mini ថ្មី​។​

​បើទោះបីជា យ៊ុ​ន​ហា​ប រាយការណ៍​ថា បន្ទះ​ឈីប A6X Processors ផលិត​ឡើង​សម្រាប់ iPad និង iPad mini ក្ដី ប៉ុន្តែ​ក្រុម​អ្នកវិភាគ​បាន​លើកឡើង​ថា Apple ប្រហែល​ជា​ប្រើ បន្ទះ​ឈីប A6X Processors នៅលើ iPhone ជំនាន់​ថ្មី​ច្រើនជាង​។​

​គួរ​បញ្ជាក់​ផង​ដែរ​ថា នៅ​នេះ ពាក្យ​ចចាមអារ៉ាម​ទាក់ទង​នឹង​ក្រុមហ៊ុន Apple បាន​កើតឡើង​ជា​បន្តបន្ទាប់ ប៉ុន្តែ​ការពិត​ជាក់ស្ដែង​នៅ​មិនទាន់​លេចចេញ​ជា​រូបរាង​មួយណា​នោះទេ​៕