ថៃ និងជប៉ុន បានយល់ព្រមលើកិច្ចព្រមព្រៀងសហការលើវិស័យសេដ្ឋកិច្ច និងពាណិជ្ជកម្ម កាលពីថ្ងៃព្រហស្បតិ៍ ម្សិលមិញនេះ។
លោក ហ្ស៊ីនហ្សូ អាបេ នាយករដ្ឋមន្ត្រីជប៉ុន បានជួបពិភាក្សាជាមួយនឹងអ្នកស្រី យ៉ីង ឡាក់ នាយករដ្ឋមន្ត្រីថៃ កាលពីថ្ងៃព្រហស្បតិ៍ ម្សិលមិញនេះ នៅក្នុងទីក្រុងបាងកក ប្រទេសថៃ។ ក្រោយពីជំនួបពិភាក្សារួច ជាលទ្ធផល ប្រទេសទាំងពីរបានយល់ព្រមបង្កើតទំនាក់ទំនងសហរការល្អទ្វេភាគី លើវិស័យសេដ្ឋកិច្ច និងពាណិជ្ជកម្ម ដែលមានឈ្មោះថា កិច្ចព្រមព្រៀងដៃគូសហការសេដ្ឋកិច្ច ជប៉ុន-ថៃ (JTEPA)។
ក្រៅពីនេះ ប្រទេសទាំងពីរក៏បានលើកឡើងថា នឹងពង្រឹងចំណងមិត្តភាព រក្សាសន្តិសុខរវាងប្រទេសដែលជាសមាជិកអាស៊ាន ដោយនឹងជំរុញវិស័យសេដ្ឋកិច្ចនៅក្នុងតំបន់អាស៊ានឲ្យមានភាពចម្រើនឡើង។
គួរបញ្ជាក់ផងដែរថា លោកហ្ស៊ីនហ្សូ អាបេ មានដំណើរទស្សនកិច្ចមកកាន់ប្រទេសចំនួន ៣ ដែលស្ថិតនៅក្នុងតំបន់អាស៊ីអាគ្នេយ៍ ដែលនៅក្នុងនោះមានថៃ ឥណ្ឌូនេស៊ី និងវៀតណាម ដែលគោលបំណងនៃដំណើរទស្សនកិច្ចនេះគឺដើម្បីជំរុញទំនាក់ទំនងរវាងជប៉ុន និងបណ្ដាប្រទេសអាស៊ីអាគ្នេយ៍ឲ្យកាន់តែល្អ៕
មតិយោបល់