ហេតុការដ៏គួរឲ្យតក់ស្លុតមួយបានកើតឡើងនៅចំកណ្ដាលនៃរដ្ឋធានី ប្រទេស៊ីរី ដោយសារតែរថយន្តបំផ្ទុះអត្តឃាត១គ្រឿងបានផ្ទុះឡើង ដែលបណ្ដាលឲ្យស្លាប់មនុស្ស ២៥នាក់។
នៅព្រឹកថ្ងៃអង្គារ នេះ ទីភ្នាក់ងារព័ត៌មានចិន ស៊ិនហួ បានឲ្យដឹងថា សារព័ត៌មានក្នុងប្រទេសរបស់ស៊ីរី បានរាយការណ៍មកថា យ៉ាងហោចណាស់មានមនុស្ស ២៥នាក់បានបាត់បង់ជីវិត និងមនុស្សប្រហែលជា ៥០នាក់ផ្សេងទៀតបានរងរបួស ដោយសារតែរថយន្តអត្តឃាត១គ្រឿងផ្ទុះឡើងនៅក្នុងចំណតរថយន្តនៃខេត្ត ហាម៉ា កាលពីថ្ងៃចន្ទដើមសប្បាយនេះ។
សារព័ត៌មានស៊ីរី បានលើកឡើងថា នេះជាការបំផ្ទុះយ៉ាងសាហាវ ព្រមទាំងបានអំពាវនាវឲ្យប្រជាជនទៅចូលរួមបរិច្ចាកឈាម ដោយអ្នករងរបួស។
គួរបញ្ជាក់ផងដែរថា កាលពីថ្ងៃចន្ទម្សិលមិញនេះ មានការប៉ះទង្គិចគ្នាមួយរវាងកងកម្លាំងឧទ្ទាមប្រដាប់អាវុធ និងកងកម្លាងរបស់រដ្ឋាភិបាល ដែលបណ្ដាលឲ្យស្លាប់មនុស្សជិត ១០០នាក់៕
ព័ត៌មានជាតិ
មតិយោបល់