អាមស្ទឺដាំ ១៨ កុម្ភៈ ២០១៣ ៖ នៅថ្ងៃនេះ ក្រុមហ៊ុន VimpelCom Ltd (“VimpelCom”, “Company” ឬ “Group”) (NYSE: VIP) គឺជាក្រុមហ៊ុនផ្តល់សេវាកម្មទូរគមនាគមន៍ ក្រុមហ៊ុន Microsoft Corporation, (“Microsoft”) (NASDAQ: MSFT) និងក្រុមហ៊ុន Nokia Corporation (“Nokia”) (NASDAQ OMX: NOK1V; NYSE: NOK) បានប្រកាសពីការចុះកិច្ចព្រមព្រៀងរួមជាមួយគ្នាក្នុងការនាំយកបទពិសោធន៍កម្សាន្តបែបឌីជីថលថ្មីជូនដល់ អតិថិជន VimpelCom នៅទូទាំងទីផ្សាររបស់ខ្លួន។
អតិថិជន VimpelCom អាចប្រើគណនីទូរស័ព្ទរបស់ខ្លួនយ៉ាងងាយស្រួលក្នុងការស្វែងរក ប្រើប្រាស់សាកល្បង និងទិញទំនិញ ឌីជីថលដូចជា តន្ត្រី ហ្គេម និងកម្មវិធី ពី Windows Phone Store។ ទឹកប្រាក់ចំណាយសម្រាប់ទិញនឹងត្រូវកាត់ចេញពី គណនីបង់ប្រាក់ជាមុននៃទូរស័ព្ទរបស់អតិថិជន ឬក៏នឹងត្រូវបញ្ចូលទៅក្នុងវិក្កយបត្រប្រចាំខែរបស់អតិថិជន។
ជាមួយទូរស័ព្ទប្រភេទ Window Phone ដែលមាននៅប្រទេសជាង ៧០ ក្នុងរយៈពេល ១២ ខែខាងមុននេះ ដោយមាន សមត្ថភាពអាចមើលភាសាបាន ៥០ ភាសា បានធ្វើឱ្យប្រព័ន្ធ Windows Phone ecosystem អាចពង្រីកបានទូទាំង ពិភពលោកយ៉ាងឆាប់រហ័ស។ លើសពីនេះទៀត Window Phone Store មានផ្តល់ជូនហ្គេម និងកម្មវិធីជាង ១២៥០០០ នៅក្នុង ប្រទេសចំនួន ១៩១ ។
ទូរស័ព្ទ Nokia Lumia ត្រូវបានបំពាក់កម្មវិធី Windows Phone ហើយជាមួយ Nokia ដែលកំពុងនាំមុខគេនៅក្នុង ទីផ្សារ VimpelCom បានបង្កើតមូលដ្ឋានដ៏រឹងមាំសម្រាប់ VimpelCom ក្នុងការផ្តល់ជូនបទពិសោធន៍ទូរស័ព្ទចល័តដ៏ ប្រសើរដល់អតិថិជនទាំងចាស់ ទាំងថ្មី។
“VimpelCom Shelf” នឹងផ្តល់ភាពងាយស្រួលជូនអតិថិជនរបស់ VimpelCom ដើម្បីស្វែងរកអ្វីដែលមាននៅក្នុង Window Phone Store។ ដោយអាចរកបាននៅតាម Windows Phone Store ក្នុងស្រុក “VimpelCom Shelf” នឹងមានកម្មវិធី ដែលត្រូវបានសម្រិតសម្រាំងចំនួន ២០០ ស្របតាមតម្រូវការសេវាកម្មដែលផ្តល់ជូន។
“VimpelCom Shelf” និងការទូទាត់តាមគណនីទូរស័ព្ទសម្រាប់ Windows Phone Store នឹងផ្តល់ជូនតាមរយៈ ប្រតិបត្តិការរបស់ VimpelCom នៅទូទាំងពិភពលោក ចាប់ពីចុងឆ្នាំនេះតទៅ។
Mikhail Gerchuk នាយកប្រតិបត្តិពាណិជ្ជកម្ម និងប្រតិបត្តិការរបស់ VimpelCom បានមានប្រសាសន៍ថា “ភាពជាដៃគូ ជាមួយ Windows Phone នឹងជួយយើងផ្តល់បទពិសោធន៍ Smartphone កាន់តែប្រសើរឡើងជូនដល់អតិថិជនរបស់ យើង។ ជាមួយ VimpelCom Shelf យើងនឹងផ្តល់ជូនទំនិញឌីជីថលតាមតម្រូវការរបស់អតិថិជននៅទូទាំងពិភពលោក ដែលប្រើទូរស័ព្ទ Windows Phone ព្រមទាំងផ្តល់នូវភាពងាយស្រួលក្នុងការទូទាត់ថ្លៃកម្មវិធីទាំងនោះ។ នៅក្នុងទីផ្សារ របស់យើងជាច្រើន យើងគឺជាប្រតិបត្តិករដំបូងគេដែលដាក់ឱ្យដំណើរការទូទាត់ប្រាក់តាមគណនីទូរស័ព្ទចល័តសម្រាប់ Windows Phone Store។”
Chris Weber អនុប្រធានប្រតិបត្តិ និងជាប្រធានទីផ្សារ និងលក់ ពិភពលោក បានមានប្រសាសន៍ថា “នៅពេលដំណើរការ អតិថិជនរបស់ VimpelCom ទាំងអស់អាចទិញកម្មវិធីសម្រាប់ Windows Phone បានយ៉ាងងាយស្រួលតាមរយៈ គណនីទូរស័ព្ទចល័ត។ នេះក៏ជាជំហានសំខាន់មួយផងដែរសម្រាប់ Ecosystem និងជាឧទាហរណ៍ ឈ្នះ-ឈ្នះ-ឈ្នះ សម្រាប់អតិថិជន អ្នកផលិត និងអ្នកប្រើប្រាស់ ក៏ដូចជាបន្តពង្រីកប្រជាប្រិយភាពរបស់ Lumia នៅទូទាំងតំបន់។”
លោក Todd Brix នាយកជាន់ខ្ពស់របស់ Windows Phone Apps, Microsoft Corp បានមានប្រសាសន៍ថា “Windows Phone Store ផ្តល់ភាពងាយស្រួលដល់ប្រជាជន ដើម្បីស្វែងរក និងទិញកម្មវិធីជាមួយ Live Tiles ។ ការទូទាត់តាមគណនីទូរស័ព្ទរបស់ក្រុមហ៊ុន VimpelCom ផ្តល់ជូនអ្នកប្រើប្រាស់នូវជម្រើសងាយស្រួល និងរហ័សក្នុងការ ទូទាត់ ដោយមានកម្មវិធីល្អៗរាប់ពាន់នៅក្នុង Windows Phone Store។”
សម្គាល់ ៖ សេចក្តីប្រកាសព័ត៌មាននេះមាន “ឃ្លាទាក់ទងនឹងការព្យាករណ៍នាអនាគត” ដែលជាឃ្លាបញ្ជាក់នៅក្នុងចំណុច 27A នៃ Securities Act និងចំណុច 21E នៃ Exchange Act។ ឃ្លាទាំងនេះទាក់ទងនឹងពេលវេលា និងការកំណត់នៃ ការដាក់ដំណើរការ Windows Phone របស់ក្រុមហ៊ុន និងភាពជាដៃគូបន្តទៀតរបស់ Microsoft Corporation និង Nokia Corporation។ ឃ្លាទាំងនេះ និងឃ្លាទាក់ទងនឹងការព្យាករណ៍ដទៃទៀតគឺផ្អែកលើការវាយតម្លៃដ៏ល្អរបស់ គណៈគ្រប់គ្រងអំពីលក្ខខណ្ឌក្រុមហ៊ុន និងទីផ្សារអនាគត។ ការកំណត់ទាំងនេះក៏មានពាក់ព័ន្ធនឹងភាពមិនច្បាស់លាស់ និងហានិភ័យផងដែរ។ លទ្ធផលជាក់ស្តែងអាចមានការខុសគ្នាពីឃ្លាដែលព្យាករណ៍នេះ ដែលអាស្រ័យលើភាពផ្លាស់ប្តូរ ឆាប់រហ័សនៃសេដ្ឋកិច្ចនៅក្នុងទីផ្សាររបស់យើង ការរីកចម្រើនដែលមិនអាចដឹងរបស់គូប្រជែង គោលការណ៍ច្បាប់ស្តី ពីទូរគមនាគមន៍របស់រដ្ឋាភិបាល ការប្រែប្រួលនយោបាយទូទៅនៅក្នុងទីផ្សារ និង/ឬការប្តឹងប្តល់ពីភាគីទីបី។ មិនមានការ ធានាអះអាងណាមួយថាភាពមិនប្រាកដប្រជា និងហានិភ័យទាំងនោះមិនមានផលប៉ះពាល់ដល់ដំណើរការរបស់ក្រុមហ៊ុន។ កត្តាជាក់លាក់ដែលអាចធ្វើឱ្យមានលទ្ធផលខុសគ្នាពីការកំណត់ទាំងនេះ នឹងត្រូវធ្វើការបរិយាយនៅក្នុងរបាយការណ៍ប្រចាំឆ្នាំ នៅទម្រង់ Form 20-F សម្រាប់ឆ្នាំបញ្ចប់ថ្ងៃទី ៣១ ខែធ្នូ ឆ្នាំ ២០១១ និងឯកសារបោះពុម្ពផ្សាយ ដោយក្រុមហ៊ុនជាមួយ SEC ដែលកត្តាហានិភ័យ ត្រូវបានបញ្ជាក់ជាឯកសារយោង។ ក្រុមហ៊ុនបដិសេធកាតព្វកិច្ចណាមួយ ក្នុងការបញ្ជាក់អំពី ការវិវត្តន៍កត្តាហានិភ័យទាំងនេះ ឬក៏ប្រកាសជាសាធារណៈអំពីការកែប្រែណាមួយទាក់ទងនឹងឃ្លាដែល ព្យាករណ៍អំពី អនាគតដែលមាននៅក្នុងសេចក្តីប្រកាសព័ត៌មាននេះ ឬក៏ធ្វើការកែតម្រូវណាមួយទាក់ទងនឹងព្រឹត្តិការណ៍ ឬការវិវត្តន៍នា ពេលអនាគត៕
អត្ថបទ៖ក្រុមហ៊ុន
មតិយោបល់