កាលពី​ថ្ងៃ​អង្គារ ម្សិលមិញ​នេះ ក្រុមហ៊ុន Apple បានបង្ហាញ​ឲ្យ​ដឹងថា មាន​កុំព្យូទ័រ​របស់​បុគ្គលិក​ខ្លួន​មួយចំនួន​ត្រូវបាន​វាយប្រហារ ប៉ុន្តែ​មិនមាន​ការបាត់បង់​ទិន្នន័យ​នោះទេ​។​
​អ្នកជំនាញ​ក្រុមហ៊ុន Apple បាន​ឲ្យ​ដឹងថា មាន​កុំព្យូទ័រ Mac ប៉ុន្មាន​គ្រឿង​ប៉ុណ្ណោះ​ដែល​ត្រូវបាន​វាយលុក ដោយសារតែ​កម្មវិធី Java របស់​ក្រុមហ៊ុន Oracle​។​
​ក្រុមហ៊ុន Apple បាន​និយាយថា ខ្លួន​បាន​បិទ Java តាំងតែ​ពី Mac OS X Lion ចេញមក​ម្ល៉េះ ប៉ុន្តែ​ដោយសារតែ​បុគ្គលិក​របស់ខ្លួន​គាត់​មានការ​ធ្វេសប្រហែស​ទើប​បណ្ដាល​ឲ្យ malware ចូលលុកលុយ​បាន​។
​គួរបញ្ជាក់​ផងដែរ​ថា យោងតាម​របាយការណ៍​ពី​ក្រុម​អ្នកជំនាញ​ខាង​ឧក្រិដ្ឋកម្ម​តាម​ប្រព័ន្ធ​កុំព្យូទ័រ បាន​ឲ្យ​ដឹងថា នៅក្នុង​រយៈពេល ២​ខែ​ចុង​ក្រោយនេះ មាន​ក្រុមហ៊ុន​ជាង ៤០​ត្រូវបាន Hacker វាយ​លុយ ដែល​នៅ​ក្នុងនោះ​រួមមាន Apple, Facebook, Twitter, The New York Times និង Wall Street Journal ហើយ Hacker ដែល​វាយ​លុយ​នេះ​ត្រូវបាន​គេ​ចាប់​អត្តសញ្ញាណ​បាន​ថា​មកពី​រុស្សី និង​អឺរ៉ុប​ខាងកើត​៕

​