ស៊ិនហូ៖ អង្គការសុខាភាពពិភពលោក (WHO) ប្រកាសពីកម្រិតអាសន្ននៃមេរោគគ្រុនឈាមនៅក្នុងតំបន់ព្រំព្រទល់ប្រទេសកេនយ៉ា និងស៊ូម៉ាលី ក្រោយពីបានរកឃើញមាន កើតជំងឺនេះ២៨ករណី។ នេះបើយោងតាមទីភ្នាក់ងារមនុស្សជាតិបានថ្លែងកាលពីថ្ងៃពុធ កន្លងទៅ។
យោងតាមការស្រាវជ្រាវរបស់ក្រុមភ្នាក់ងារ WHO កាលពីពាក់កណ្ដាលខែមករា បានឲ្យដឹងថា ក្នុងចំណោមគំរូតាង ៨នាក់មាន ៧នាក់មានសញ្ញាញវិជ្ជាមាន។
WHO បានឲ្យដឹងថា មេរោគនេះមានរោគសញ្ញាស្រដៀងគ្នានឹងជំងឺគ្រុនចាញ់ ដែលបច្ចុប្បន្នបានកើតមាននៅលើប្រទេសជាង ១២៥ និងមានមនុស្សជាង ៦ពាន់នាក់បានស្លាប់រៀងរាល់ឆ្នាំ។
ទោះជាយ៉ាងនេះក្ដី មន្ត្រីក្រសួងសុខាភិបាល របស់ប្រទេសកេនយ៉ា បានប្រកាសជាសាធារណៈថា បញ្ហានេះស្ថិតនៅក្នុងស្ថានភាពប្រក្រតីដែលអាចគ្រប់គ្រង់បាន។ ប្រធានគ្រប់គ្រង់ផ្នែកការការពារជំងឺឆ្លងនៃក្រសួងសុខាភិបាល Willis Akhwale បានឲ្យដឹងថា ក្រសួងសុខាភិបាល បានបញ្ចូនមន្ត្រីជំនាញ និងឧករណ៍ទៅកាន់តំបន់ដែលកើតមានជំងឺ ដើម្បីកាត់បន្ថយការគំរាមគំហែលដែលបណ្ដាលមកពីជំងឺក្រុនឈាម។
ប៉ុន្តែ WHO បានប៉ាន់ប្រមាណថា ការឆ្លងមាន ១៤០ករណី ដែលកើតមាននៅក្នុងប្រទេសស៊ូម៉ាលី នៅក្នុងចន្លោះថ្ងៃទី ២១-២៧ ខែមករា បើធៀបនឹងសប្ដាហ៍មុន កើនឡើង ៥៧ភាគរយ៕
មតិយោបល់