David Beckham បាននិយាយ ការត្រឡប់មកវិញនូវជើងទីពីរនៃការជម្រុសដណ្តើមពានរង្វាន់ Champion League របស់ Real Mardrid នឹងធ្វើឲ្យកីឡាករ Cristiano Ronaldo មានអារម្មណ៏ក្តុកក្តួលនៅពេលមកដល់ Old Trafford វិញ។
Beckham បាននិយាយបន្ថែមទៀតថា Ronaldo មានអ្នកគាំទ្រស្រលាញ់គាត់ច្រើនហើយបិសាចក្រហមក៏ជាអ្នកធ្លាប់យល់ចិត្តថ្លើមគ្នាកាលពីមុន ដូចនេះហើយការប្រកួតជើងទីពីរនេះប្រាកដជាល្អមើលបំផុតជាក់ជាមិនខាន។ កីឡាករ Beckhamដែលមានអាយុ៣៧ឆ្នាំនឹងចូលរួមទស្សនាការប្រកួតនេះដោយផ្ទាល់នៅថ្ងៃពុធ សប្តាហ៍ក្រោយនៅ Old Trafford មុនត្រៀមខ្លួនការពារលទ្ធផលដែលក្រុម PSG របស់ខ្លួនឈ្នះ Valencia នៅក្រៅទឹកដីកាលពីជើងទីមួយ នៅថ្ងៃព្រហស្បតិ៍នេះផងដែរ។
គាត់បានបញ្ជាក់ពីជំនឿរបស់ក្រុម PSG ក្នុងការដណ្តើមឱកាសក្នុងវគ្គជម្រុសលើកនេះ ប៉ុន្តែគាត់គាត់ក៏បានប្រហើរពាក្យណែនាំខ្លះដល់ AC Millain ដែលបានបំបាក់លេខ១លើលោក Barcelona ដោយលទ្ធផល ២ទល់នឹង0 ថាកុំមានការធ្វេសប្រហែសឲ្យសោះលើជំនួបទីពីររបស់ខ្លួនព្រោះថាលទ្ធផលនេះអាចមិនមែនជាបញ្ហាចោទសម្រាប់ Barcelona នោះទេ៕
មតិយោបល់