ដូចដែលយើងបានដឹងរូចមកហើយថា ប្រព័ន្ធដំណើរការ Android បានគ្រប់ដណ្ដប់ទីផ្សាយស្មាតហ្វូននៅក្នុងប្រទេសចិន ដែលនៅក្នុងត្រីមាសទី៤ឆ្នាំ ២០១២ មានចំនួន ៨៦ភាគរយ។
នៅពេលនេះ ក្រុមហ៊ុន Samsung បានក្លាយជាក្រុមហ៊ុនដែលនាំមុខគេក្នុងការលក់ស្មាតហ្វូននៅក្នុងប្រទេសចិន ជាមួយនឹងប្រព័ន្ធដំណើរការ Android។
យោងតាមរបាយការណ៍ Strategy Analytics បានឲ្យដឹងថា នៅក្នុងត្រីមាសទី៤ ឆ្នាំ ២០១២ ក្រុមហ៊ុន Samsung លក់ស្មាតហ្វូនកើនឡើងួទ្វេ១ជា៣ ហើយបើតាមការបញ្ចាក់ពីក្រុមហ៊ុននៅក្នុងត្រីមាសខាងលើ Samsung លក់បានស្មាតហ្វូនចំនួន ៣០,០៦លានគ្រឿង។
ខណៈពេលដែលក្រុមហ៊ុន Samsung ឡើងកប់ពពក បែបជាក្រុមហ៊ុន Nokia ធ្លាក់ចុះស្ទើរតែដល់បានដី ដែលកាលពីឆ្នាំ ២០១១ ក្រុមហ៊ុន Nokia កាន់កាប់ទីផ្សារស្មាតហ្វូនចំនួន ២៩,៩% ចំណែកនៅឆ្នាំ ២០១២ បានធ្លាក់មកនៅត្រឹមតែ ៣,៧%ប៉ុណ្ណោះ។
គួរបញ្ជាក់ផងដែរថា ក្រុមហ៊ុន Samsung បានចាប់ផ្ដើមចូលប្រឡុកក្នុងទីផ្សារស្មាតហ្វូននៅក្នុងប្រទេសចិនកាលពីឆ្នាំ ២០០៩ ប៉ុន្តែមិនបានប៉ុន្មានឆ្នាំផង ក្រុមហ៊ុនមួយបានដណ្ដើមយកទីផ្សាររបស់ម្ចាស់ស្រុកស្ទើរគ្មានសល់៕
ព័ត៌មានជាតិ
មតិយោបល់