ក្រុមហ៊ុនផលិតរថយន្តស្ព័ររបស់អ៊ីតាលី Lamborghini បានបង្ហាញរបាយការណ៍លក់នៅក្នុងឆ្នាំ២០១២ ដោយបានបញ្ជាក់ថា តួលេខនៃការលក់កើនឡើង ៣០ភាគរយ។
យោងតាមរបាយការណ៍ក្រុមហ៊ុនបានឲ្យដឹងថា នៅក្នុងឆ្នាំ ២០១២ តួលេខនៃការលក់បានកើនឡើងពី ១.៦០២គ្រឿង មកដល់ ២.០៨៣គ្រឿង ពោលគឺដើនឡើង ៣០ភាគរយ បើធៀបនឹងឆ្នាំ ២០១១។
លោក Stephan Winkelmann នាយកប្រតិបត្តិក្រុមហ៊ុន Lamborghini បានឲ្យដឹងថា ក្រុមហ៊ុននឹងធ្វើការកម្មវិធីមួយដើម្បីសម្ដែងឲ្យអតិថិជន និងមហាជនឃើញពីភាពជោគជ័យរបស់ខ្លួននៅក្នុងឆ្នាំ ២០១២ ព្រមទាំងដើម្បីបង្ហាញពីភពលោកឲ្យឃើញពីរបាយការណ៍ប្រាក់ហិរញ្ញវត្ថុរបស់ខ្លួនផងដែរ។
លោកបានបន្តទៀតថា ក្រុមហ៊ុននឹងវិនិយោគទុនបន្ថែម ដើម្បីអភិវឌ្ឍន៍នូវរថយន្តឲ្យឆ្ពោះទៅរកភាពល្អប្រសើរនៅពេលអនាគត ជាពិសេសគឺដើម្បីបំពេញតម្រូវចិត្តអ្នកប្រើប្រាស់។
ក្រុមហ៊ុនបានបញ្ជាក់ថា នៅក្នុងឆ្នាំ ២០១៣ នេះ ក្រុមហ៊ុននឹងបង្ហាញរថយន្តម៉ូដែលថ្មី ទំនើបនិងអស្ចារ្យ ដល់ធ្វើឲ្យអតិថិជនមានការភ្ញាក់ផ្អើល៕
មតិយោបល់