Reuters៖ Hacker ដែលវាយប្រហារមកលើស្ថានីយទូរទស្សន៍ និងធនាគារមួយចំនួនរបស់កូរ៉េខាងត្បូង ត្រូវបានការិយាល័យនៃទីក្រុងសេអ៊ូលថ្លែងឲ្យដឹងនៅព្រឹកថ្ងៃនេះថា ជាស្នាដៃរបស់ចិន ព្រោះតាម IP address ដែលចាប់បានគឺមានប្រភពនៅចិន ដែលផ្ទុយស្រឡះ ដោយមុននេះ គេបានសង្ស័យថា ជាស្នាដៃកូរ៉េខាងជើង។
ទីភ្នាក់ងារសារព័ត៌មានកូរ៉េ Yonhap បានដកស្រង់នូវសម្ដីរបស់មន្ត្រីការិយាល័យនាយករដ្ឋមន្ត្រីកូរ៉េខាងត្បូងថា តាមការស្រាវជ្រាវរកឃើញថា IP address មកពីប្រទេសចិន។ នៅមុននេះ ស្ថាប័នសារព័ត៌មានរបស់កូរ៉េខាងត្បូង ត្រូវបានរងការវាយប្រហារ ដែលនៅក្នុងនោះ ត្រូវបានគេរកឃើញថា IP address មានប្រភពមកពីចិន។
យោងតាមការចុះផ្សាយបានឲ្យដឹងថា មានស្ថានីយទូរទស្សន៍ចំនួន ៣ត្រូវបានរងការវាយប្រហារ ដែលមានដូចជាស្ថានីយទូរទស្សន៍ YTN, MBC និង KBS ហើយក៏មានធនាគារធំៗចំនួន ២គឺ Shinhan Bank និង NonhHyup Bank រងការវាយប្រហារដែរ។
ខណៈនេះ មន្ត្រីជំនាញរបស់កូរ៉េខាងត្បូងកំពុងតែធ្វើការស៊ើបអង្កេតបន្តទៅទៀតលើករណីខាងលើ៕
មតិយោបល់