Colombo៖កងនាវាចររបស់ប្រទេសស្រីលង្កាកាលពីព្រឹកមិញនេះបានចាប់ខ្លួនជនអន្តោប្រវេសន៍ខុសច្បាប់ដែលបំរុងនឹងឆ្លងដែនទៅកាន់ប្រទេសអូស្ត្រាលីត្រង់តំបន់Oluvilមានចំនួន ៩៧ នាក់។
អ្នកនាំពាក្យរបស់កងទ័ពជើងទឹកមួយរូបរបស់ស្រីលង្កាបាននិយាយថាក្នុងចំណោមពូកគេទាំងអស់មាន40នាក់ជាក្មេងៗនិង18នាក់ជាស្ត្រីនិងបានបន្ថែមទៀតថាភាគច្រើនជាជនតាមិលហើយឥឡូវពួកគេត្រូវបានបញ្ជូនទៅកាន់ផែនៃOluvilបន្តទៅឲ្យប៉ូលីសដើម្បីធ្វើចំណាត់ការបន្តក្នុងការស៊ើបអង្កេត។ក្នុងកំឡុងពេលសង្គ្រាមនិងក្រោយសង្គ្រាមជាមួយក្រុមឧទ្ទាមខ្លាតាមិលជាមួយនឹងស្រីលង្កាក៏មានប្រជាជនស្រីលង្កាមិនតិចជាងរាប់ពាន់នាក់ផងដែរដែលបានព្យាយាមភៀសខ្លួនទៅប្រទេសអូស្ត្រាលីតាមទូកហើយបានត្រូវគេចាប់និងឃាត់ខ្លួន។
បើទោះបីជាយ៉ាងណាក្តីរដ្ឋាភិបាលរបស់ស្រីលង្កាបានបញ្ជាក់ពីគំនិតរបស់ខ្លួនថាការធ្វើអន្តប្រវេសន៍ជាការធ្វើឲ្យមានការខាតបង់ខាងផ្នែកសេដ្ឋកិច្ចហើយខ្លួនព្យាយាមមិនលើកទឹកចិត្តចំពោះការផ្តល់សិទ្ធិភៀសខ្លួនសម្រាប់ក្រុមអន្តោប្រវេសន៍ទាំងនោះទេ។
សារពត៍មានរបស់អូស្រា្តលីថ្មីៗនេះបានចេញសេចក្តីរាយការណ៍ដែលថាកងនាវាចរណ៍របស់ស្រីលង្កាជាអ្នកនៅពីក្រោយការធ្វើអន្តោប្រវេសដើម្បីសុំសិទ្ធិជ្រកកោនតាមរយះការជួយផ្សេងៗ ប៉ុន្តែទោះជាយ៉ាងណាក្តីកងទ័ពជើងទឹករបស់ស្រីលង្កាក៏បានចេញមកបដិសេធនូវការបកស្រាយរបស់អូស្រា្តលី។
កាលពីឆ្នាំទៅចំនួននៃអ្នកភៀសខ្លួន3000នាក់ត្រូវបានកងនាវាចររបស់ស្រីលង្កាបានចាប់ខ្លួនក្នុងកំឡុងពេលពួកគេព្យាយាមភៀសខ្លួនចូលប្រទេសអូស្រា្តលីដោយខុសច្បាប់ប៉ុន្តែត្រូវបានគេជឿជាក់ថាតាមពិត6428នាក់ទៀតបានគេចខ្លួនចូលក្នុងប្រទេសអូស្រា្តលីបាត់អស់ហើយ។
ក្នុងដំណើរទស្សនកិច្ចរបស់លោករដ្ឋមន្ត្រីក្រសួងការបរទេសរបស់អូស្ត្រាលីថ្មីៗនេះលោកបានសន្យានឹងផ្តល់ជំនួយទឹកប្រាក់សម្រាប់5ឆ្នាំជូនរដ្ឋាភិបាលស្រីលង្កាក្នុងការបន្តកិច្ចប្រតិបត្តិការប្រឆាំងនឹងការឆ្លងដែនខុសច្បាប់៕
មតិយោបល់