មិចស៊ិចកូ:សរុបមានមនុស្ស7នាក់បានត្រូវបាញ់សម្លាប់ដោយមានបីនាក់ជាស្ត្រីដេលបម្រើការងារនៅក្នុងបារ ហើយ 2 នាក់បានរងរបួសកាលពីថ្ងៃព្រហស្បតិ៍នៅពេលបរុសម្នាក់បានសម្រុកចូលក្នុងបារមួយកន្លែងនៅភាគខាងជើងនៃប្រទេសមិចស៊ិចកូហើយបានបើកការបាញ់ប្រហារទៅលើក្រុមមនុស្សដែលនៅទីនោះតែម្តង។
សាក្សីដែលបានឃើញហេតុការណ៍ផ្ទាល់ភ្នែកបាននិយាយថាពួកគេបានឃើញបុរសម្នាក់បានដើរចូលទៅក្នុងបារមួយដែលមានឈ្មោះ Mogabi នៅទីក្រុង Chihuahua របស់មិចស៊ិចកូដោយមានពាក់អាវការពារគ្រាប់ហើយមានកាន់កំភ្លើងខ្លីមួយដើមផងក៏ចាប់ផ្តើមបាញ់តម្រង់មនុស្សគ្រប់គ្នាដែលនៅទីនោះ។
ពត៍មានដែលទទួលបាននិយាយថាស្ត្រីបីនាក់ដែលបានបាត់បង់ជីវិតហើយកន្លែងកើតហេតុស្ថិតនៅចំងាយប្រមាណជាប្រហែលបីប្លុកពីស្ថានីយប៉ូលិសប៉ុណ្ណោះ ប៉ុន្តែគ្រាន់តែថាពេលដែលកើតមានរឿងនេះប៉ុស្តិ៍ប៉ូលិសបានបិទបាត់ទៅហើយដែលក្រោយមកគេមិនអាចចាប់ខ្លួនឧក្រិដ្ឋជនបានទេ។
ប៉ូលិសបាននិយាយបន្ថែមទៀតថាការបាញ់ប្រហារបែបធ្លាប់កើតឡើងជារឿយនៅតំបន់នេះព្រោះថាការសងសឹកគ្នារវាងក្រុមអ្នករកស៊ីនិងអ្នករកស៊ីឬអាចជាការចងកំហឹងរបស់ក្រុមជនពាលដែលមិនអាចប្រមូលលុយថ្លៃការពារណាមួយបាន៕
មតិយោបល់