យោងតាមរបាយការណ៍ចុងក្រោយរបស់ comScore បានឲ្យដឹងថា ទីផ្សារស្មាតហ្វូននៅក្នុងសហរដ្ឋអាមេរិក ស្ថិតនៅក្នុងកណ្ដាប់ដៃ Apple ដដែល ចំណែក Samsung បានត្រឹមតែអង្គុយនៅលើកៅអ៊ីលេងពីរ។
របាយការណ៍របស់ comScore បានឲ្យដឹងថា ចាប់តាំងពីថ្ងៃទី ១២ខែវិច្ឆិកាឆ្នាំ ២០១២ ដល់ថ្ងៃទី ១៣ខែកុម្ភៈ ឆ្នាំ ២០១៣ ទីផ្សារស្មាតហ្វូនរបស់ក្រុមហ៊ុន Apple នៅក្នុងសហរដ្ឋអាមេរិកបានកើនឡើង ៣,៩ភាគរយ ពោលគឺកើនឡើងពី ៣៥ភាគរយ មកដល់ ៣៨,៩ភាគរយ។ ចំណែកឯក្រុមហ៊ុន Samsung វិញបានកើនឡើងត្រឹមតែ ១ភាគរយប៉ុណ្ណោះ ពោលគឺកើនឡើងពី ២០,៣ភាគរយ មកដល់ ២១,៣ភាគរយ។
ប្រភពដដែលបានបន្តទៀតថា សម្រាប់ទីផ្សារស្មាតហ្វូនរបស់ក្រុមហ៊ុន HTC, LG និង Nokia វិញបានធ្លាក់ចុះពី ១ទៅដល់ ២ភាគរយ។
នៅក្នុងពេលវេលាដូចគ្នានេះផងដែរ ប្រព័ន្ធដំណើរការ Android របស់ Google បានធ្លាក់ចុះ ២ភាគរយ ពោលគឺធ្លាប់ពី ៥៣,៧ភាគរយ មកនៅត្រឹម ៥១,៧ភាគរយ ចំណែក iOS របស់ Apple វិញ បានកើនឡើង ៣,៩ភាគរយ ដែលកើនពី ៣៥ភាគរយ មកដល់ ៣៨,៩ភាគរយ។
គួរបញ្ជាក់ផងដែរថា ទិន្នន័យនៃត្រូវបានក្រុមហ៊ុន comScore ធ្វើការស្រាវជ្រាវទៅលើតែអ្នកប្រើប្រាស់នៅសហរដ្ឋអាមេរិកប៉ុណ្ណោះ ចំណែកនៅក្នុងបណ្ដាប្រទេសផ្សេង comScore នៅមិនទាន់បានធ្វើការស្រាវជ្រាវនោះទេ៕
ព័ត៌មានជាតិ
មតិយោបល់