សេវាកម្ម SkyDrive របស់ Microsoft មិនមែន​សម្រាប់​តែ Windows ឬ Windows Phone ប៉ុណ្ណោះ​ទេ អ្នក​ប្រើប្រាស់​ប្រព័ន្ធ​ដំណើរការ Android និង iOS ក៏​អាច​ប្រើប្រាស់​បាន​ផង​ដែរ តាមរយៈ​កម្មវិធី​ផ្ទាល់​ខ្លួន ហើយ​ថ្ងៃនេះ​ក្រុមហ៊ុន Microsoft បាន​បញ្ចេញ​នូវ SkyDrive ជំនាន់​ថ្មី សម្រាប់​ឧបករណ៍ iOS ដែល​អាច​ប្រើប្រាស់​បាន​ទាំង​ផលិតផល​ថ្មី​ពីរ​ទៀត​របស់ Apple គឺ iPhone 5 និង iPad Mini​។​
​គួរ​បញ្ជាក់​ផង​ដែរ​ថា ជំនាន់​ថ្មី​នេះ​ជា​ជំនាន់​ទី​3 ដែល​អនុញ្ញាត​ឲ្យ​អ្នកប្រើប្រាស់​អាច​គ្រប់គ្រង ទៅលើ​ទំហំ​រូបភាព​ដែល​លោក​អ្នក​បាន Upload និង Download ពី SkyDrive account របស់​លោក​អ្នក រួម​ទាំង​ការកែសម្រួល​ឲ្យ​ការប្រើប្រាស់​កាន់តែ​មាន​ភាពរលូត​ផងដែរ​៕​