សេអ៊ូល: លោករដ្ឋមន្ត្រីក្រសួងបង្រួបបង្រួមជាតិរបស់កូរ៉េខាងត្បូងបានមានប្រសាសន៍កាលពីម្សិលមិញថាកូរ៉េខាងជើងហាក់មានបំណងក្នុងការបាញ់សាកល្បងអាវុធនុយក្លេអ៊ែររបស់ខ្លួនសាជាថ្មីម្តងទៀតដែលវានឹងក្លាយជាលើកទី 4 ហើយរបស់កូរ៉េខាងជើង។
លោករដ្ឋមន្ត្រី Ryoo Kihl-Jae បាននិយាយទៅកាន់ក្រុមអ្នកច្បាប់នៅក្នុងពិធីប្រជុំមួយស្តីពីការទូតនិងការបង្រួបបង្រួមក្នុងរដ្ឋសភាជាតិខ្លួនថាកូរ៉េខាងជើងបានបង្ហាញសញ្ញាមួយចំនួនដែលអាចឲ្យដឹងបានថាពួកគេកំពុងរៀបចំដំណើរការសាកល្បងអាវុធនុយក្លេអ៊ែររបស់ខ្លួនក្នុងពេលណាមួយឆាប់ៗនេះ។ការនិយាយសន្និដ្ឋានបែបនេះបន្ទាប់ពីមានការសាកសួរនិងផ្តល់ពត៍មានថាទ័ពកូរ៉េខាងជើងនិងចលនាផ្លាស់ប្តូរនៅម្តុំក្បែររោងចក្រសាកល្បងនៅភាគខាងជើងនៃខេត្ត Hamgyongជាតំបន់ដែលការធ្វើតេស្តសាកល្បងនុយក្លេអ៊ែរបស់ខ្លួនកាលពីលើកទីបី៕
ព័ត៌មានជាតិ
មតិយោបល់