J. Paul Getty និយាយថា ភាពមានបានជារង្វាន់ក្នុងល្បែងរកលុយ ប្រសិនបើអ្នកឈ្នះ លុយជារបស់អ្នក។តើត្រូវធ្វើបែបណាដើម្បីក្លាយជាអ្នកឈ្នះ ?
https://i1272.photobucket.com/albums/y389/domneng/money_zpsfdc8b8ac.jpg
1. ព្យាយាមសិក្សា ស្រាវជ្រាវ
អ្នកវិនិយោគដែលទទួលបានជោគជ័យពួកគេតែងតែព្យាយាមសិក្សាមិនដែលឈប់ឈរនោះទេ។ពួកគេបានលះបង់ពេលវេលាសំរាប់ធ្វើការស្រាវជ្រាវច្រើនជាងអ្នកវិនិយោគធម្មតា។ ពួកគេដឹងថាចំនេះដឹងរបស់ពួកគេគា្មនពេលណាដែលគ្រាប់គ្រាន់នោះទេ ហេតុដូចនេះពួកគេតែងតែត្រឹមខ្លួនជានិច្ចសំរាប់ការសិក្សាគ្រប់ពេលវេលា និង គ្រប់ទីកន្លែង។ ជាធម្មតាពួកអ្នកវិនិយោគដែលទទួលបានជោគជ័យចូលចិត្ត អានសៀវភៅ កាសែត ទស្សនាវដ្តី និង ចូលរួមកម្មវិធីផ្សេងៗ ដើម្បីរៀនសូត្រ និង ដកស្រងបទពិសោធន៍ដើម្បី អភិវឌ្ឍន៍ខ្លួន។
2. តែងតែត្រៀមលក្ខណៈសំរាប់ការដកថយ
អ្នករកស៊ីដែលទទួលបានជោគជ័យដឹងថា ការរកស៊ីតែងតែមានលទ្ធផលពីរ។ក្នុងអនាគតគេមិនអាចដឹងថានឹងមានអ្វីកើតឡើងនោះទេ ហេតុដូចនេះពួកគេតែងតែត្រៀមទុកជាមុនជានិច្ច។ អ្នករកស៊ីធម្មតាតែងតែព្យាយាមព្យាករណ៍អំពីលទ្ធផលនៃការរកស៊ីរបស់គេ តែអ្នករកស៊ីដែលទទួលបានជោគជ័យ គេគិតផ្ទុយពីនេះទៅវិញ ពួកគេត្រៀមគ្រប់លក្ខណៈទាំងស្ថានភាពល្អ
និង ស្ថានភាពអាក្រក់បំផុត។
នេះហើយដែលជាមូលហេតុដែលអ្នកវិនិយោគឆ្លាតអាចរកប្រាក់បានពេលទីផ្សារកំពុងឡើង និង កាន់តែអាចរកបានច្រើនជាងទៀតពេលទីផ្សារកំពុងធ្លាក់ចុះ។ហេតុនេះប្រសិនបើអ្នកចង់ធ្វើរកស៊ីអ្នកក៏ត្រូវចេះរៀបចំគំរោងក្នុងការដកថយផងដែរពេលស្ថានការតំរូវឲ្យធ្វើការដកថយ។
3. អត់ធ្មត់
អ្នករកស៊ីត្រូវមានភាពអត់ធ្មតបំផុត។នៅពេលដែលបានគិតគូររកស៊ីរួចរាល់ហើយ ពួកបានត្រៀមជាស្រេចក្នុងការអនុវត្តផែនការរបស់គេរហូតក្លាយជាការពិត និង ទទួលបានជោគជ័យ។
4. គ្រប់គ្រងអារម្មណ៍ល្អរបស់ខ្លួន
អ្នកវិនិយោគសុទ្ធតែមានដឹងថា ទីផ្សារឡើងចុះបានដោយសារតែកក្តាអារម្មណ៍សំខាន់ពីរ គឺ ការភ័យខ្លាច និង ចិត្តលោភ។ អ្នករកស៊ីធម្មតាគេវិនិយោគតាមអារម្មណ៍ រីឯ អ្នករកស៊ីដែលទទួលបានជោគជ័យគេចេះរក្សាអារម្មណ៍របស់គេមិនចេះលោតផ្តេសផ្តាសនោះទេ។ ពួកគេមិនធ្វើឲ្យអារម្មរណ៍របស់គេមានការប្រែប្រួលតាមការវិភាគរបស់ ក្រុមអ្នកវិភាគសេដ្ឋកិច្ច ហិរញ្ញវត្ថុ ឬ ក្រុមមនុស្សណាម្នាក់នោះទេ។ ពួកគេនឹងប្រមូលអារម្មណ៍គិតពីជំរើស និង វិធីសាស្ត្ររបស់ពួកគេតែបានសំរេចរួមមកហើយនោះ។
អ្នកវិនិយោគដែលទទួលបានជោគជ័យ ដែលមានជំហរអព្យាក្រឹត ទោះបីជាពួកគេត្រូវបាន ឬ បាត់បង់ក៏ដោយ។ ពួកគេមិនបោះបង់ចោលយុទ្ធសាស្ត្ររបស់គេ ដោយគ្រាន់តែជួបជាមួយបរាជ័យមួយចំនួននោះទេ ហើយក៏មិនមានមោទភាពជ្រុលពេកពេលទទួលបានជោគជ័យនោះទេ។ទោះជាទីផ្សាយ៉ាងណាក៏ដោយគេនៅតែគិតថា អត្រាឈ្នះ ចាញ់មាន ៥០ ៥០ ជានិច្ច។
5. មានយុទ្ធសាស្ត្ររកស៊ីច្បាស់លាស់
អ្នកវិនិយោគត្រូវតែមានយុទ្ធសាស្ត្រវិនិយោគច្បាស់លាស់។ ពួកគេមួយចំនួន គិតថា ការវិនិយោគត្រូវមានជំរើសច្រើន តែចំពោះអ្នកដែលមានជំនាញ គេនិងព្យាយាមវិនិយោគទៅក្នុងវិស័យដែលគេមានជំនាញច្បាស់លាស់។ ការជ្រើសរើសយុទ្ធសាស្ត្រ អ្នកវិនិយោគនីមួយជាអ្នកសំរេច ដែលផ្អែកលើកត្តា ជាច្រើន ដូចជា ជំនាញ ពេលវេលា ទីតាំង វប្បធម៍ ចំនង់ចំនូលចិត្ត របស់អ្នកប្រើប្រាស់…..។
6. ប្រមូលអារម្មណ៍ក្នុងកំរិតខ្ពស់
Andrew Carnegie អ្នកដែលរកស៊ីទទួលបានជោគជ័យ ជាអ្នកដែលបានសំរេចចិត្ត ជ្រើសរើសផ្លូវមួយសំរាប់ខ្លួនឯងក្នុងពេលអនាគត ហើយព្យាយាមដើរតាមកន្លងនោះជានិច្ចរហូតបានសំរេចដូចបំនងរបស់គេ។ អ្នករកស៊ីដែលទទួលបានជោគជ័យ ពួកគេតែងតែព្យាយាម ប្រមូលអារម្មណ៍ប្រើប្រាស់វិធីវិនិយោគតែមួយបែបប៉ុណ្ណោះ ។ ពួកគេតែងតែ វិនិយោគតែម្តងក្នុងរយៈពេលមួយ នៅកន្លែងមួយ គេមិនធ្វើច្រើនដង ច្រើនសារនោះទេ។
7. បទបែនតាមលំនាំទីផ្សារ
ចំនុចពិសេសមួយទៀតរបស់អ្នកវិនិយោគទទួលបានជោគជ័យ គឺគេតែងតែដឹងច្បាស់ពីនិន្នាការរបស់ទីផ្សារដែលផ្តល់សារៈប្រយោជន៍សំរាប់ពួកគេ។ អ្នករកស៊ីធម្មតា មានអារម្មណ៍ភ័យក្លាយពេលទីផ្សារមានមានការប្រែប្រួល តែអ្នករកស៊ីខ្លាំងពូកែពួកគេបែរជារងចាំឪកាសនោះទៅវិញ។ ច្បាស់ណាស់ថា ព្រឹត្តិការណ៍នៃបំរែបំរួលទីផ្សារពិត ជាបាននាំផលប្រយោជន៍ជាច្រើនដល់អ្នកវិនិយោគដែលមានភាពវៃឆ្លាត។ Warren Buffet ចូរគិតថា ការប្រែប្រួលនៃទីផ្សាជាឪកាស មិនមែនជាសត្រូវនោះឡើយ។ចូរព្យាយាមស្វែងរកឪកាសក្នុងគ្រោះនោះ។
8. តែងតែមានភាពជឿជាក់
Henry Ford បាននិយាយថា នៅពេលដែលអ្វីៗ ហាក់បីដូចជាមិនអំណោចផល សំរាប់អ្នកសោះនោះ អ្នកត្រូវតែគិតថា យន្តហោះអាចហោះបានដោយសារ តែវាហោះបញ្ច្រាសខ្យល់ មិនមែនវាហោះតាមបណ្តោយខ្យល់នោះទេ។ ហេតុដូចនេះ អ្នកត្រូវតែព្យាយាមអនុវត្តតាមផែនការរបស់អ្នក ទោះជាពេលខ្លះអ្នកអាចជួបបញ្ហាមួយចំនួនក៏ដោយ ។ អ្នកដែលបរាជ័យភាគច្រើនដោយសារគេមិនដឹងថាគេជិតទទួលបានជោគជ័យ។
9. ទទួលស្គាល់ហានិភ័យ
Warren Buffet និយាយថា” ហានិភ័យកើតមានឡើងតែពេលណាអ្នកមិនដឹងថា អ្នកកំពុងតែធ្វើអីប៉ុណ្ណោះ “។ ការវិនិយោគវាបានបង្កប់នូវហានិភ័យមួយរួចទៅហើយ តែដែលកាន់តែមានហានិភ័យខ្ពស់ជាងនេះទៅទៀតនោះគឺការដែលអ្នកវិនិយោគមិនដឹងថាខ្លួនកំពុងធ្វើអ្វី ? ឪកាសក្នុងការទទួលបានជោគជ័យនិង បរាជ័យក្នុងការវិនិយោគមាន ៥០% ដូចគ្នា ប៉ុន្តែអ្វីដែលខុសប្លែកគ្នានោះគឺ អ្នកវិនិយោគជោគជ័យ តែងតែវិនិយោគ ដោយមានប្រពន្ធ័សំរាប់ការហានិភ័យបានយ៉ាងរឹងមាំ។
10. មានវិន័យ
អ្នកវិនិយោគទទួលបានជោគជ័យ គេតែងតែមានវិន័យសំរាប់ខ្លួនឯងជានិច្ច៕ ក្នុងពេលដែលគេព្យាយាមអនុវត្តទ្រឹស្តីវិនិយោគពេលនោះក៏គេបានដាក់វិន័យ ឬ លក្ខណ័ជាច្រើនសំរាប់ខ្លួនឯងផងដែរ ។គេដឹងថា គេត្រូវអនុវត្តលក្ខណ័ជាច្រើនសំរាប់ខ្លួនឯង ដើម្បីលើកទឹកចិត្តជំរុញខ្លួនឯងដើម្បីអាចបន្តការអនុវត្តផែនការវិនិយោគរបស់គាត់ ដោយមិនគិតពីការរិះគន់របស់អ្នកដ៏ទៃ។
12. មានភាពវ័យឆ្លាតដកស្រងបទពិសោធន៍ពីភាពបរាជ័យ
នៅពេលនិយាយពីបទពិសោធន៍ អ្នកវិនិយោគតែងតែនិយាយពី បទពិសោធន៍ បរាជ័យ មេរៀន របស់ពួកគេ និង ភាពជោគជ័យ ។អ្នកមិនអាចទទួលបានជោគជ័យទេ ប្រសិនបើអ្នកមិនធ្លាប់បរាជ័យនោះ។អ្នកដែលទទួលបានជោគជ័យពួកគេមិនចេះនឿយណាយ នឹងភាពបរាជ័យនោះទេ ព្រោះពួកគេយល់ថា ជាវិថីសំរាប់ឈានដល់ការក្លាយជាអ្នកវិនិយោគដែលមានសមត្ថភាពពិតប្រាកដ។ អ្នកធម្មតាគិតថា ការដែលបរាជ័យជារឿងដែលគួរឲ្យអាម៉ាស ប៉ុន្តែសំរាប់អ្នកដែលទទួលបានជោគជ័យគិតថា ការដែលទទួលបានបរាជ័យជាឪកាសសំរាប់រៀនសូត្រពីអ្វីដែលថ្មី។
13. មានសហការីដែលមានជំនាញ
ប្រសិនបើអ្នកពិនិត្យមើលអ្នកវិនិយោគដែលទទួលបានជោគជ័យ អ្នកនឹងបានឃើញ ពួកគេមានអ្នកជំនាញនៅជិតសំរាប់ផ្ទាល់យោបល់ដល់គេ។ អ្នកមិនអាចទទួលមានជោគជ័យក្នុងទីផ្សារដោយមានតែម្នាក់ឯងនោះទេ អ្នកត្រូវមានអ្នកសហការដែរមានជំនាញ និង គោលបំណងស្រដៀងគ្នាក្នុងអនុវត្តផែនការវិនិយោគ ទើបគំរោងទទួលបានជោគជ័យ។
14. មានមូលដ្ឋានហរិញ្ញវត្ថុរឹងមាំ
Ajaero Tony Martins និយាយាថា “ ភាពវៃឆ្លាតក្នុងមុខរបបអ្នកមិនអាចរកឃើញក្នុងពេលសិក្សាក្នុងសាលានោះទេ តែអ្នករកវាឃើញ នៅតាមផ្លូវ។ ក្នុងសាលាអ្នកបានសិក្សាពីរបៀបធ្វើយ៉ាងណាដើម្បីគ្រប់គ្រងលុយឲ្យអ្នកដ៏ទៃ តែនៅតាមផ្លូវបានសិក្សាពី វិធីធ្វើយ៉ាងណាទើបបានលុយ។ ហេតុដូចនេះជោគជ័យបានមកពីការអនុវត្ត ពួកគេត្រូវមានខ្ទង់ហិរញ្ញវត្ថុមួយសំរាប់ កសាងផែនការវិនិយោគ។ ដើម្បីឲ្យមានទំនុកចិត្ត ក្នុងការគ្រប់គ្រងហិរញ្ញវត្ថុ គេបានព្យាយាមសិក្សា ចូលរួមតាមសិក្ខាសិលាពង្រឹងសមត្ថភាពនានា អានសៀវភៅ រៀនសូត្រពីអ្នកដែលទទួលបានជោគជ័យដ៏ទៃទៀត ។ ហើយបន្ទាប់មកពួកគេបានចាប់ផ្តើមស្វែងរកបទពិសោធន៍តាមរយៈការអនុវត្តផ្ទាល់។
15. តែងតែសប្បាយចិត្តជាមួយការរកស៊ី
អ្នកនិព្ធនល្បីម្នាក់បាននិយាយថា ប្រសិនបើអ្នកជ្រើសរើសល្បែងលែង អ្នកគួរតែជ្រើសរើសល្បែងណា ដែលអ្នកចូលចិត្ត រីករាយក្នុងការលេង ដែលអ្នកចង់លេងពេញមួយជីវិត ចូលលេងវាចុះ។ អ្នកវិនិយោគធម្មតាតែងតែគិតថា ពួកគេអាចរកបានប៉ុន្មាន តែអ្នកវិនិយោគដែលទទួលបានជោគជ័យគេតែងតែពេញចិត្ត នឹងអ្វីដែលគេមាន គេរីករាយ តែព្យាយាមគ្រប់ពេលវេលា ប្រឹងអស់សមត្ថភាពរ៕
ប្រែសម្រួលអត្ថបទដោយ៖ លោក ម៉ៅ សុខេន
មតិយោបល់