តាមការស្រាវជ្រាវរបស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានរកឃើញថា នៅប្រទេសកម្ពុជា មានត្រីក្រពតចំនួន១០ប្រភេទ ក្នុងនោះ ៣ប្រភេទមានជាតិពុល។ ជាតិពុលនោះ មានឈ្មោះថា Tetrod-otoxins ដែលជាប្រភេទជាតិពុលម្យ៉ាង តាមប្រព័ន្ធសរសៃប្រសាទ។
ត្រីក្រពតទាំង៣ប្រភេទនោះ គឺ Tetraodon cochinchinensis, Monotrete leiurus និង Teraodon fluviatilis ដូចមានរូបភាពភ្ជាប់មកជាមួយ។ ជាតិពុលនៅក្នុងត្រីក្រពត ប្រែប្រួលទៅតាមរដូវកាល។ ជាតិពុលខ្ពស់បំផុត គឺនៅរដូវពងកូនរបស់វា។ ជាធម្មតាស្ថិតនៅខែកុម្ភៈ និងមីនា ពីចន្លោះខែកក្កដា ទៅខែកញ្ញា។
ចំពោះជាតិពុលនៅក្នុងខ្លួនត្រី ក៏មានកម្រិតខុសគ្នាដែរ ពង និងស្ពែមមានជាតិពុលខ្ពស់ជាងគេ បន្ទាប់ គឺថ្លើម ពោះវៀន ស្បែក និងសាច់។
ចំពោះអ្នកដែលបានបរិភោគត្រីក្រពត ទាំង៣ប្រភេទខាងលើនេះ អាចបណ្តាលឱ្យឈឺក្បាល វិលមុខ ល្ហិតល្ហៃ រឹងថ្គាម ស្ពឹកចុងដៃជើង រាគរូស ក្អូតចង្អោរ ឬអាចបណ្តាលឱ្យស្លាប់ តែម្តង។
សេចក្តីប្រកាស ក៏បានទូន្មានថា ដើម្បីជាវិធានការទប់ស្កាត់ សូមប្រជាពលរដ្ឋពិនិត្យប្រភេទត្រីក្រពត ដែលបរិភោគឱ្យបានច្បាស់លាស់ ហើយបើមានអាការដូចពោលខាងលើ សូមប្រញាប់បញ្ជូនអ្នកជំងឺទៅកាន់មន្ទីរពេទ្យ ដើម្បីជួយសង្គ្រោះជាបន្ទាន់ ដោយកុំធ្វេសប្រហែសឡើយ៕
https://i1272.photobucket.com/albums/y389/domneng/ST-02-1_zpsb0ffba80.jpg
មតិយោបល់