ក្លិប West Ham បានយល់ព្រមចំណាយប្រាក់សគុណ ទៅកាន់ក្លិប ហង្សក្រហម ចំពោះការកុងត្រាកីឡាករ Andy Carroll។
ក្លិបហង្សក្រហមបានទទួលប្រាក់សគុណចំនួន £12million ពីក្លិប West Ham តែសម្រាប់ពេលអនគាត់ទៅមុខទៀតនោះ គឺរំពឹងលើដំណើរជោគជ័យរបស់កីឡាកររូបនេះ។
កីឡាករ Carroll បានបង្ហាញទម្រង់ចប់រដូវកាលនេះ ខណៈដែលខ្ចីជើងពី ពហុកីឡដ្ឋាន Anfield ទៅកាន់ Hammers ដោយជ្រោងជួយឲ្យក្លិបមួយនេះ យកឈ្នះ Reading ក្នុងលទ្ធផល 4-2 កាលពីថ្ងៃអាទិត្យកន្លងទៅ ក្នុងក្របខណ្ឌ Premier League។
៧ គ្រាប់របស់គាត់ ដែលស្វែងរកបាន ធ្វើឲ្យ លោក Sam Allardyce រីករាយនឹងនិយាយថា យើងត្រូវតែថែរក្សារទុកគាត់នៅ Upton Park ឲ្យមានលក្ខណៈជាអាទិភាព។
អតីតកីឡាករបស់ Newcastle រូបនេះ បានផ្លាស់ទៅកាន់ក្លិបហង្សក្រហម ក្នុងតម្លៃ £35million ដោយទិញកាលពីខែ មករា ឆ្នាំ ២០១១ ។
និយាយទៅកាន់គេហទំព័ររបស់ West Ham កីឡាករ Caroll បាននិយាយថា “ខ្ញុំសប្បាយរីករាយណាស់រាល់វិនាទីដែលនៅទីនេះ”។ដោយព្យាយាមធ្វើអ្វីៗល្អជូនដល់ West Ham និងរក្សាគោលជំហរលេងឲ្យបានល្អជូន West Ham តែប៉ុណ្ណោះ៕
https://i1272.photobucket.com/albums/y389/domneng/_61471695_143906084_zps0e2cae68.jpg
មតិយោបល់