ស្មាតហ្វូនត្រកូល Lumia បានជំរុញឲ្យទីផ្សារស្មាតហ្វូនរបស់ Nokia កើនឡើង ហើយនៅពេលនេះ Lumia ក៏កំពុងតែមានប្រជាប្រិយភាពផងដែរ។
ថ្មីៗនេះ មានបុគ្គលិកជាន់ខ្ពស់របស់ Nokia មួយរូប បានបង្ហើបឲ្យដឹងថា នាពេលអនាគត ក្រុមហ៊ុន Nokia អាចនឹងផលិតស្មាតហ្វូន Lumia ដែលអាចប្រើស៊ីម២ មិនត្រឹមតែប៉ុណ្ណោះបច្ចេកវិទ្យានៃកាមេរ៉ា ក៏នឹងបង្កើនសមត្ថភាពផងដែរ។
បើតាមសំដីរបស់បុគ្គលិកជាន់ខ្ពស់ម្នាក់នេះ បានឲ្យដឹងថា ទីផ្សារស្មាតហ្វូនកំពុងតែចង្អៀត និងមានការប្រកួតប្រជែង បើសិនជាមិនប្រឹងរិះរកអ្វីដែលថ្មី និងប្លែកសម្រាប់ទាក់ទាញអតិថិជននោះទេ ប្រាកដជាមិនអាចឈរនៅលើទីផ្សារបានយូរឡើយ។
ពេលឮសំដីមួយឃ្លានេះ យើងនឹងដល់លោក Steve Jobs ដែលជាសហស្ថាបនិក និងជាអតីតនាយកប្រតិបត្តិ Apple បាននិយាយថា អ្នកប្រើប្រាស់គាត់មិនដឹងថា គាត់ត្រូវការអ្វីនោះទេ ទាល់តែយើងយកវាទៅបង្ហាញគាត់ ទើបគាត់ដឹងថា វាជាសេចក្ដីការរបស់គាត់៕
មតិយោបល់