​កាលពី​ថ្ងៃ​អង្គា ម្សិលមិញ​នេះ គណៈកម្មការ​ពាណិជ្ជក​ម្ម​អន្តរជាតិ​សហរដ្ឋអាមេរិក (ITC)​បានប្រកាសថា iPad និង iPhone របស់ Apple ពិត​ជាមាន​រំលោភ​លើ​ប៉ាតង់​របស់ Samsung ដូច្នេះ iPad និង iPhone ម៉ូ​ដែល​ចាស់​ត្រូវបាន​ហាមឃាត់​ក្នុង​ការលក់​។​
​យោងតាម​ទីភ្នាក់ងារ​ព័ត៌មាន Reuters បាន​ឲ្យ​ដឹងថា ក្រុមហ៊ុន Samsung បានស្នើ​សុំ​ឲ្យ​តុលាការ ធ្វើការ​ហាមឃាត់​ការលក់ iPad និង iPhone ម៉ូ​ដែល​ចាស់ ព្រោះថា ឧបករណ៍​ទាំងពីរ​នោះបាន​រំលោភ​លើ​ប៉ាតង់ 3G របស់ខ្លួន​។​
​គណៈកម្មការ​ពាណិជ្ជក​ម្ម​អន្តរជាតិ បានសម្រេច​ធ្វើការ​ហាមឃាត់​ការលក់​នូវ iPad និង iPhone ម៉ូ​ដែល​ចាស់ៗ ដែល​ប្រើប្រាស់​ប្រព័ន្ធ AT&T ប៉ុន្តែ​សេចក្ដីសម្រេច​នេះ មិនត្រូវ​បាន Apple ទទួល​យល់ព្រម​នោះទេ​។​
​អ្នកស្រី Kristin Huguet អ្នកនាំពាក្យ​របស់​ក្រុមហ៊ុន Apple បាន​និយាយថា យើង​មានការ​អន់ចិត្ត​ចំពោះ​ការសម្រេច​របស់ ITC ហើយ​យើង​ក៏មាន​ផែន​ការណ៍​ឡើងទៅ​សាលា​ឧ​ទ្ទ​រណ៍​៕

​