លោក Ram Singh Chauhan បានចាប់ផ្ដើមទុកពុកមាត់តាំងពីឆ្នាំ ១៩៧០ ហើយលោក មិនធ្លាប់បានកាត់វាម្ដងណាឡើយ។ មកដល់ថ្ងៃនេះ ពុកមាត់របស់លោក មានប្រវែង ៤,៣០ម៉ែត្រ ដែលត្រូវបានកត់ត្រានៅក្នុងសៀវភៅ Guinness ជាបុរសដែលមានពុកមាត់វែងជាងគេលើលោក។
លោក Chauhan មានវ័យ ៥៨ឆ្នាំ បាននិយាយថាពីភាពអាថ៌កំបាំងនៃការរក្សាទុកពុកមាត់របស់គាត់ ដោយបាននិយាយថា ពុកមាត់វាជាសក់មួយដែលជួយលម្អផ្ទៃមុខ នៅពេលដែលគាត់កាត់វា វាតែងតែដុះមកវិញជារឿយៗ ដូច្នេះគាត់ក៏ចាប់ផ្ដើមទុកវា មួយសប្ដាហ៍ក្រោយមកវាចាប់ផ្ដើមដុះវែងបន្តិចម្ដងៗ លោកក៏បានសម្រេចចិត្តឈប់កាត់វា។
គាត់បានបន្ថែមទៀតថា ប្រពន្ធរបស់គាត់តែងតែរករឿងគាត់ជានិច្ច ព្រោះថា នាងពិបាកក្នុងការលាងសម្អាតពុកមាត់ដ៏វែងរបស់គាត់ ប៉ុន្តែក្រោយមក ប្រពន្ធគាត់ក៏បានទទួលយកនូវការតាំងចិត្តរបស់គាត់ ហើយមកដល់ពេលនេះ ប្រពន្ធគាត់មានអារម្មណ៍រីករាយជាមួយនឹងពុកមាត់ដ៏វែងរបស់គាត់នេះ ព្រោះថា កាលពីឆ្នាំ ១៩៨០ គាត់បានចូលរួមថតភាពយន្តមួយ ដោយតើតួជាបុរសពុកមាត់វែង ក្រោយមកទៀត ក៏មានផលិតកម្ម Bollywood ជាច្រើនទាក់ទងលោកថងភាពយន្តជាបន្តបន្ទាប់ ជាពិសេសលោកបានដើរជុំវិញពិភពលោក ក្នុងការបង្ហាញពីភាពអស្ចារ្យនៃពុកមាត់របស់គាត់។
បុរសពុកមាត់វែងម្នាក់នេះ បានប្រាប់ BBC News ថា ជារៀងរាល់ ១០ថ្ងៃ លោកតែងតែធ្វើការសម្អាតពុកមាត់របស់លោក ជាមួយនឹងប្រេងធម្មជាតិ ដោយមានប្រពន្ធរបស់លោកជាអ្នកជួយសម្អាត៕
មតិយោបល់