ក្រុមហ៊ុន Nokia នឹងរៀបចំព្រឹត្តិការណ៍ធំមួយនៅក្នុងទីក្រុងញ៉ូយ៉ក នាថ្ងៃទី១១ខែកក្កដា ឆ្នាំ ២០១៣ ខាងមុខនេះ ហើយប្រហែលជានឹងអាចបង្ហាញនូវកាមេរ៉ាស្មាតហ្វូនម៉ូដែលថ្មីផងដែរ។
យោងតាមប្រភពព័ត៌មានពីគេហទំព័រ AllThings Digital ដែលបានចុះផ្សាយនៅថ្ងៃ ព្រហស្បតិ៍ ម្សិលមិញនេះ បានឲ្យដឹងថា ក្រុមហ៊ុនទូរស័ព្ទដៃហ្វាំងឡង់ Nokia បានផ្ញើនូវលិខិតអញ្ជើញឲ្យចូលរួមនៅក្នុងព្រឹត្តិការណ៍បង្ហាញផលិតផលថ្មីនៅក្នុងថ្ងៃទី១១ខែកក្កដា នៅទីក្រុងញ៉ូយ៉ក។
នៅក្នុងលិខិតអញ្ជើញមានរូបភាពមួយដែលធ្វើឲ្យអ្នកគាំទ្រគិតថា ក្រុមហ៊ុន Nokia នឹងបង្ហាញ កាមេរ៉ាស្មាតហ្វូន ដែលមានសមត្ថភាពក្នុងការថតរូប និងវីដេអូខ្ពស់ ជាមួយនឹងការ Zoom បានរយៈចម្ងាយឆ្ងាយ។
គួរបញ្ជាក់ផងដែរថា ជាង១ខែមកនេះ មានព័ត៌មានចចាមអារ៉ាមជាច្រើនបាននិយាយថា ក្រុមហ៊ុន Nokia កំពុងតែផលិតកាមេរ៉ាស្មាតហ្វូន ដែលត្រូវបានគេស្គាល់ឈ្មោះថា Nokia EOS ដែលមានកាមេរ៉ាទំហំ ៤១មេហ្គាភិចសែល៕
ព័ត៌មានជាតិ
មតិយោបល់