ប៉េកាំង ៖ ជប៉ុនកាលពីថ្ងៃអង្គារនេះបាននិយាយថាខ្លួនកំពុងប្រឈមមុខនឹងការគំរាមកំហែងកាន់តែខ្លាំងឡើងចំពោះបញ្ហាសន្តិសុខជាតិរបស់ខ្លួនជាមួយនឹងប្រទេសជិតខាងទាំងពីរគឺកូរ៉េនិងចិន។
បើទោះជាចិននិងជប៉ុនត្រូវបានជាប់គាំងនៅក្នុងជម្លោះរវាងកោះ Diaoyu នៅភាគខាងកើតនៃសមុទ្រចិនក៏ដោយប៉ុន្តែចិនជាញឺកញយតែងតែប្រើប្រាស់នាវាចរល្បាតនៅតាមជុំវិញកោះជម្លោះដែលធ្វើឲ្យមានហានិភ័យខ្ពស់នៃជម្លោះជាយថាហេតុ។ក៏មានរបាយការណ៍មួយបាននិយាយផងដែរថារឿងដែលជប៉ុនមានការព្រួយបារម្ភបំផុតនោះគឺប្រទេសកូរ៉េខាងជើងដែលនាំឲ្យជប៉ុនកំពុងនិងព្យាយាមសិក្សាស្រាវជ្រាវលើសមត្ថភាពវិទ្យាសាស្ត្ររបស់ខ្លួនក្នុងការរកវិធីទប់ទល់នឹងគ្រាប់មីស៊ីលដែលអាចនឹងកើតឡើងនាពេលណាមួយ។
គួរបញ្ជាក់ផងដែរថាចាប់តាំងតែពីលើកដំបូងដែលលោកនាយករដ្ឋមន្ត្រី Shinzo Abe បានឡើងកាន់តំណែងលោកបានធ្វើការប្តេជ្ញាចិត្តនិងសង្កត់ធ្ងន់ទៅលើការការពារប្រទេស។នៅក្នុងរបាយការណ៍ថ្មីនេះបានឲ្យដឹងថាជប៉ុនបានចំណាយខ្ទង់ថវិការជាតិសម្រាប់វិស័យការពារប្រទេសកើនឡើងយ៉ាងគំហុកបើប្រៀបធៀបទៅនឹង11ឆ្នាំកន្លងទៅ៕
មតិយោបល់