ទីក្រុងបាដាដ៖យ៉ាងហោចណាស់ក៏មានមនុស្ស 62 នាក់ដែរដែលបានស្លាប់និង 139 នាក់ទៀតរងរបួសនៅក្នុងការប្រើប្រាស់អំពើហិង្សាផ្សេងៗគ្នានៅក្នុងប្រទេសអ៊ីរ៉ាក់កាលពីថ្ងៃអង្គារ។
នៅក្នុងហេតុការណ៍មួយដែលបានសម្លាប់ទាហាដល់ទៅ 11 នាក់ដោយខ្មាន់កាំភ្លើងមួយក្រុមបានបើកឆាកបាញ់ប្រហារទៅលើក្រុមទាហានដែលយាមកាមនៅច្រកចេញចូលនៃស្ថានីយផ្ទុកហ្គាសមួយកន្លែងនៅចន្លោះផ្លូវពីតំបន់ Haditha និង Baiji ភាគខាងជើងនៃទីក្រុងបាដាដ។នៅក្នុងហេតុការណ៍មួយផ្សេងទៀតដែលស្ថិតនៅចម្ងាយប្រមាណ 90 គីឡូម៉ែតពីបាដាដដែរឡានដែលបំពាក់ទៅដោយគ្រឿងផ្ទុះបានបំផ្ទុះឡើងនៅក្នុងពិធីបុណ្យសពមួយហើយបានសម្លាប់មនុស្ស 10 នាក់និងរបួស 32 នាក់ផ្សេងទៀតនៅពេលដែលការបំផ្ទុះដូចគ្នានេះបានសម្លាប់មនុស្ស 10 នាក់ទៀតនិងរបួស 18 នាក់នៅហាងកាហ្វេមួយកន្លែងនៅក្នុងតំបន់Yathribចម្ងាយ 85 គីឡូម៉ែតពីទីក្រុងបាដាដ។
ក៏មានការសម្លាប់ទាហានបីនាក់ទៀតនិងរបួស 10 នាក់នៅក្នុងហេតុការណ៍បំផ្ទុះឡាននៅក្នុងក្បួនហែរមួយរបស់ក្រុមទាហាននៅក្នុងតំបន់ Tikrik ។មិនទាន់មានក្រុមណាដែលនឹងចេញមកអះអាងទទួលខុសត្រូវលើហេតុការណ៍ណាមួយឡើយប៉ុន្តែត្រូវបានគេជឿជាក់ថាភាគច្រើនជាក្រុមអាល់កៃដាដែលមានវត្តមាននៅក្នុងប្រទេសអ៊ីរ៉ាក់៕
មតិយោបល់