ប្រធានគ្រប់គ្រងហិរញ្ញវត្ថុរបស់ប្រទេសកូរ៉េខាងត្បូង បាននិយាយកាលពីថ្ងៃចន្ទ ម្សិលមិញនេះថា កូរ៉េខាងត្បូងនឹងបើកទីផ្សារពាណិជ្ជកម្មជួញដូរមាសនៅឆ្នាំក្រោយ ជាសាធារណៈ។
ទីផ្សារមាស ឬទីផ្សារពាណិជ្ជកម្មមាស នឹងត្រូវបើកដំណើរការជាលើកដំបូងនៅក្នុងប្រទេសកូរ៉េនាដើមត្រីមាសទី១ឆ្នាំ២០១៤ ដើម្បីអនុញ្ញាតឲ្យមានការជួញដូរមាសនៅក្នុងប្រទេសជាសាធារណៈ។ នេះបើយោងតាមគណៈកម្មការសេវាហិរញ្ញវត្ថុ (FSC)។
សម្រាប់អ្នកលេងទីផ្សារពាណិជ្ជកម្មមាសនេះ នឹងទទួលបានអាជ្ញាប័ណ្ណជាសមាជិក ដោយគ្រាន់តែបំពេញទៅតាមតម្រូវការផ្នែកហិរញ្ញវត្ថុឲ្យបានជាក់លាក់។
ដើម្បីជំរុញឲ្យប្រតិបត្តិការទីផ្សារពាណិជ្ជកម្មមាសថ្មីនេះ មានដំណើរការល្អ រដ្ឋាភិបាលបានធ្វើការលើកលែងពន្ធ ព្រមទាំងកាត់បន្ថយពន្ធសាជីវកម្ម និងប្រាក់ចំណូល៕
មតិយោបល់