តូក្យូ៖ប្រភពព័ត៌មានមួយបានថតរូបនិងចុះផ្សាយពីអ្នកដំណើរតាមផ្លូវរថភ្លើងដែលមានចំនួនរាប់សិបនាក់កំពុងព្យាយាមរុញទូររថភ្លើងមួយដែលមានទម្ងន់ទៅដល់ 32 តោនចេញពីផ្លូវដើម្បីជួយសង្គ្រោះយកស្ត្រីមា្នក់ដែលបានធ្លាក់ទៅជាប់គាំងខ្លួន រវាងទូររថភ្លើងជាមួយនឹងផ្លូវរងចាំក្នុងជម្រៅប្រមាណ 20 សង់ទីម៉ែត្រនៅចំពេលដែលម៉ោងពេលព្រឹកដែលមានអ្នកដំណើរច្រើនបំផុត។
ក្រោយការប្រកាសពីអជ្ញាធររថភ្លើងភ្លាមៗមានអ្នកដំណើរប្រមាណជាង 40 នាក់បានស្ម័គ្រចិត្តចូលរួមគ្នាក្នុងការរុញបង្ហើបទូររថភ្លើងមួយដែលមានទម្ងន់រាប់សិបតោននេះចេញនៅពេលដែលលទ្ធផលចុងក្រោយបានធ្វើឲ្យនារីដែលគេមិនបានបញ្ជាក់អត្តសញ្ញាណម្នាក់ស្ថិតក្នុងវ័យ 30 ឆ្នាំត្រូវបានយកចេញដោយមិនមានរងរបួសអ្វីឡើយ។រថភ្លើងត្រូវបានផ្អាកដំណើរចេញប្រហែលជា 8 នាទីប៉ុណ្ណោះ។រូបភាពនិងវិដេអូដែលបានមកពីសកម្មភាពដ៏មហិមាននៃអ្នកដំណើរនោះបានធ្វើឲ្យមានការភ្ញាក់ផ្អើលយ៉ាងខ្លាំងនៅក្នុងប្រទេសជប៉ុននិងអន្តរជាតិ៕
មតិយោបល់