កាលពីថ្ងៃពុធម្សិលមិញនេះ ក្រុមហ៊ុន Google បានរៀបចំនូវព្រឹត្តិការណ៍ធំមួយដើម្បីបង្ហាញនូវផលិត និងសេវាកម្មថ្មីរបស់ខ្លួន ដែលនៅក្នុងនោះក្រុមហ៊ុនបានបង្ហាញនូវ Nexus 7 ជំនាន់ទី២ ប្រព័ន្ធដំណើរការ Android 4.3 ព្រមទាំងឧបករណ៍ទូរទស្សន៍ Chromecast។
សម្រាប់ Nexus 7 ជំនាន់ថ្មី ក្រុមហ៊ុនបានប្រកាសឲ្យដឹងថា បានបញ្ជូលនូវលក្ខណៈសម្បត្តិ និងមុខងារពិសេសៗជាច្រើន ដើម្បីធ្វើវាឲ្យល្អប្រសើរជាងម៉ូដែលមុន ជាពិសេសគឺមានកាមេរ៉ាទំហំ ៥មេហ្គាភិចដែល និងប្រើប្រាស់ប្រព័ន្ធដំណើរការ Android 4.3 ថ្មីសន្លាងតែម្ដង។ កាន់តែអស្ចារ្យជាងនេះទៅទៀតនោះ ក្រុមហ៊ុន Google បានបង្ហាញនូវឧបករណ៍ទូរទស្សន៍ Chromecast ដែលមានសមត្ថភាពមិនធម្មតាក្នុងការមើលទូរទស្សន៍ ដោយឧបករណ៍មួយនេះអាចប្រើប្រាស់បាននៅលើប្រព័ន្ធដំណើរការ iOS និង Android ហើយសម្រាប់កុំព្យូទ័រយូរដៃតម្រូវឲ្យមានកម្មវិធី Chrome browser ដោយគ្រាន់តែមានរន្ធ HDMI គឺអាចប្រើឧបរណ៍ Chromecast បាន៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់