ក្លិបតោខៀវ​ កំពុងផ្លាស់ប្តូរជំហានរបស់ខ្លួន ​ដោយកៀកជិត ដើម្បីចុះហត្ថលេខា ​ទិញ​យក​កីឡាករ​កំពូលក្លិប Barcelona កីឡាករ Lionel Messi បន្ទាប់ពីគូប្រជែង​សំខាន់ពីររបស់ខ្លួន កំពុង​​តែ​ត្រៀម​​សំណើរ​ដែរ នោះ ។ នេះបើយោតាមសារព័ត៌មាន មេត្រូ ចុះផ្សាយ​នៅថ្ងៃទី ២៥ ខែ វិច្ឆិកានេះ ។​

តោខៀវ កំពុងតែ​បង្ហាញមុខមាត់យ៉ាងច្បាស់ នៅពីមុខគូប្រជែងរបស់ខ្លួន ដោយចង់នាំយកកីឡាករ Messi ។ ទន្ទឹមជាមួយនឹងគ្នានេះដែរ ស្រាប់តែ មេឃខៀវចេញមុខបដិសេធ ចំពោះ ព័ត៌មានដែលចុះផ្សាយថា ខ្លួនចង់នាំយកកឡាករ រូបនេះ ។ ដូចគ្នានេះដែរ លោក Pep Guardiola អ្នកចាត់ការទូទៅក្លិប Bayern Munich ក៏បានធ្វើការច្រានចោលនូវព័ត៌មាន នេះដែរ និងប្រាប់ដល់សារព័ត៌មានវិញថា ​គាត់ចង់ឲ្យ Messi លេង​ឲ្យ Barcelona ​ក្នុងមួយជីវិតរបស់គាត់ ។​

ក្លិប មេឃខៀវ និង Bayern ​ត្រូវបានគេមើលឃើញថា ​ជា​ក្លិបគូប្រជែងដ៏សំខាន់ ដើម្បីទិញ ​កីឡាកររូបនេះ តែ​ពេលនេះ ជាក់ណាស់មានតែតោខៀវនោះទេ ​ដែលមានលទ្ធភាព ទិញ ដោយដាក់សំណើរ ២០០ លានផោន ប្រហែល ៣១៤ លានដុល្លារ ៕​