ទីក្រុងហាណូយ(០១/០៨/២០១៣)៖ រដ្ឋាភិបាលកម្មុយនីសវៀតណាមនឹងដាក់ការហាមឃាត់ដល់បណ្ដាល Bloggerនិងប្រព័ន្ធផ្សព្វផ្សាយផ្សេងទៀតដែលកំពុងធ្វើការបង្ហោះព័ត៌មាន ដែលប៉ះពាល់ដល់រដ្ឋាភិបាល នាពេលថ្មីៗនេះ។ ទាំងនេះជាបញ្ញតិច្បាប់ថ្មីដែលវៀតណាមទើបតែនឹងដាក់ចេញដើម្បីធ្វើឲ្យមានកម្រិតនៃការប្រើប្រាស់ការចែករំលែកព័ត៌មានច្រើនឡើងៗពីសំណាក់អ្នកប្រើប្រាស់ប្រព័ន្ធអ៊ីនណែត។
ប្រព័ន្ធផ្សព្វផ្សាយមួយចំនួនដែលជាមុខសញ្ញានៃការហាមប្រាមនេះមានដូចជា Facebook និងTwitter ជាដើម ដែលកំពុងតែពេញនិយមជាងគេនាពេលបច្ចុប្បន្ននេះហើយការប្រើប្រាស់ប្រព័ន្ធនេះជាឧបករណ៍ក្នុងរិះគន់រដ្ឋាភិបាលវៀតណាមយ៉ាងចាស់ដៃ។តាមរយៈបញ្ញត្តិច្បាប់ថ្មីដែលវៀតណាមបានធ្វើគឺតម្រូវឲ្យមានការចែករំលែកតែព័ត៌មានផ្ទាល់ខ្លួន និងការកម្សាន្តប៉ុណ្ណោះហើយការចែករំលែកព័ត៌មានដែលទាក់ទងនឹងរដ្ឋាភិបាលនឹងត្រូវដាក់ទោសក្នុងកម្រិតមួយ។ នៅក្នុងលិខិតមួយដែលបានចុះហត្ថលេខាដោយលោកនាយករដ្ឋមន្ត្រី ង្វៀន តាន់យុង បានដាក់ចេញជាសាធារណៈថា រាល់អ្នកប្រើប្រាស់ទាំងអស់មិនគួរប្រើប្រាស់ប្រពន្ធ័ផ្សព្វផ្សាយក្នុងការចែករំលែក និងផ្លាស់ប្តូរយោបល់គ្នាពីរឿងរ៉ាវទាំងឡាយដែលកើតមាននៅក្នុងប្រទេសសព្វថ្ងៃនោះទេ។
គួររំឭកដែរថា នាពេលថ្មីៗ ក្រុមសកម្មជនចំនួន ៤៦នាក់ត្រូវបានចាប់ខ្លួនពីបទធ្វើសកម្មភាពតវ៉ាប្រឆាំងនឹងរដ្ឋាភិបាលវៀតណាមហើយត្រូវបានដាក់ទោសរយៈពេលយូរដែលវាបានធ្វើឲ្យក្រុមសិទ្ធិមនុស្សបានសម្តែងនូវការមិនពេញចិត្តយ៉ាងខ្លាំងនៅពេលដែល Blogger បីដែលពេញនិយមនៅវៀតណាមត្រូវបានធ្វើការឃុំឃាំងពីបទជាប់ចោទប្រឆាំងនឹងរដ្ឋាភិបាលដូចគ្នា៕
មតិយោបល់