តាមពីក្រោយជាមួយនឹងគ្រាប់បាល់ ហ៊ែកទ្រីករបស់កីឡាករ Pedro កីឡាករ Messi បានផ្តល់កំលាំងចិត្ត ជូនដល់កីឡាករ Cesc Fabregas មានឱកាសស៊ុតបំប៉ោងសំណាញ់ ដោយបំបាក់ក្លិបបាល់ទាត់ប្រទេសថៃក្នុងលទ្ធផល 7-1 កាលពីយប់ថ្ងៃពុធម្សិលមិញនេះ ។
សម្រាប់ការប្រកួតនេះដែរ ក្លិប Bacelona បានប្រើប្រាស់រយៈពេល តែ ១០ នាទី ស្វែងរកគ្រាប់បាល់ដំបូង ។តែអ្វីដែលគួរឲ្យចាប់អារម្មណ៍ បំផុតនោះ គឺកីឡាករ Neymar ទោះបីជាមានឱកាសស្វែងរកគ្រាប់បាល់បានក្តី តែ ត្រូវមួយបាល់ពេញទំហឹងដេកដួលនឹងដី ខណៈដែល អ្នកចាំទី ថៃ បាញ់ស៊ុតឲ្យរួចផុតពីជើងរបស់ Messi ។
ខណៈដែល Bacelona បាននាំមុខដោយគ្រាប់បាល់ o ទល់នឹង ៥ នោះ នៅនាទី ៤២ នៃតង់ទី ១ ថៃមានឱកាសប៉េណ័លទី ដោយសារតែខ្សែការពារ Bacelona ឈ្មោះ Bagnack ធ្វើឲ្យមានកំហុស ដោយទាត់ជើងកីឡាករ ថៃឈ្មោះ Teerasil Dangda ក្នុងប្រអប់ ១១ ម៉ែត្រ ដែលធ្វើឲ្យថៃមានឱកាសបំបែកពងមាន់ Bacelona ក្នុងលទ្ធផល ១ ទល់នឹង ៥ ។
សម្រាប់កីឡាករ Messi ក្នុងការប្រកួតនេះដែរ អាចលេងបានតែ ត្រឹមតង់ទី ១ តែអាចរកគ្រាប់បាល់ ២ គ្រាប់ជូនក្រុមផងដែរ។ ចុងបញ្ចប់នៃការប្រកួតនេះដែរ Bacelona បំបាក់ក្លិប ថៃដោយលទ្ធផល ៧ ទល់នឹង ១ ៕
ទស្សនាវីដេអូឃ្លិបបន្តបន្ទាប់ដូចខាងក្រោមនេះ៖
មតិយោបល់