ការសិក្សាមួយថ្មីទៀតដែលបានបង្ហាញពីផលប៉ះពាល់នៃការប្រើប្រាស់កាហ្វេច្រើនហួសហេតុដែលអាចជាមូលហេតុនាំឲ្យការបាត់បង់ជីវិតមានកម្រិតខ្ពស់ជាងធម្មតាហើយត្រូវបានជឿជាក់ថាកើតឡើងចំពោះមនុស្សដែលមានវ័យចន្លោះពីក្រោយ 55 ឆ្នាំចុះ។
ការសិក្សាដែលបានបោះពុម្ពនៅក្នុងទស្សនាវដ្ដីមួយនៅសហរដ្ឋអាមេររិកបានរកឃើញសញ្ញាណវិជ្ជមាននៃការកើនឡើងក្នុងមរណៈភាពប្រមាណជា 21 ភាគរយដែលបណ្តាលមកពីការទទួលទានកាហ្វេច្រើនជាង 28 ពែងក្នុងមួយអាទិត្យដែលវាប្រហែលនឹង 4 ពែងក្នុងមួយថ្ងៃ។
ដោយផ្អែកលើក្រុមអាយុដែលបានធ្វើការសាកល្បងនិងចំនួនកាហ្វេខាងលើនេះភាពប្រឈមមុខទៅនឹងការស្លាប់អាចកើនឡើងទៅមនុស្សប្រុសស្រីដែលមានអាយុក្រោយ 55 ឆ្នាំជាងពាក់កណ្តាលនៃចំនួនសរុបដែលប៉ុន្តែវាបែជាមិនប៉ះពាល់ទៅដល់ក្រុមមនុស្សដែលមានអាយុច្រើនជាង 55 ឆ្នាំទៅវិញ។ការសិក្សាក៏បានបកស្រាយដែលថាមនុស្សប្រុសដែលបើទោះជាបីជាទទួលទានកាហ្វេតិចជាង 28 ពែងក្នុងមួយអាទិត្យក៏ដោយក៏ហានិភ័យនៃការទទួលមរណៈភាពមានកម្រិតច្រើនជាងស្ត្រីដែរ។ចំណែកស្ត្រីក្មេងៗដែលផឹកកាហ្វេក្នុងចំនួននេះនឹងទទួលរងហានិភ័យនៃមរណៈភាពពីរដងច្រើនជាងស្ត្រីដែលមិនដែលទទួលទានកាហ្វេ។
បើទោះបីជាយ៉ាងណាក្តីមិនមានន័យថាកាហ្វេជាថ្នាំពុលដែលធ្វើឲ្យមនុស្សទទួលមរណៈភាពក្នុងកម្រិតខ្ពស់នោះទេតែអ្នកជំនាញបានបកស្រាយថាការប្រើប្រាស់កាហ្វេក្នុងការទទួលទានប្រចាំថ្ងៃក្នុងប្រមាណជា 1 ឬ 2 ពែងវាជាការប្រសើរជាងហើយវាអាចជួយកាត់បន្ថយនូវជម្ងឺនិងអត្រាប៉ះពាល់មួយចំនួនទៀតផងដែរ៕
មតិយោបល់