ទីក្រុង Cairo ( 18/08/13 ) : ចំនួនមនុស្សសរុបដែលស្លាប់ បានកើនឡើងដល់ 36 នាក់ដែលសុទ្ធតែជាសមាជិកនៃក្រុមអ៊ីស្លាម Mulsim Brotherhood ដែលគាំទ្រលោកប្រធានាធិបតីទម្លាក់ចេញពីតំណែង Mohammed Morsi នៅខណ:ដែលពួកគេព្យាយាមរត់គេចពីការនាំខ្លួនទៅដាក់គុកកាលពីថ្ងៃអាទិត្យម្សិលមិញនេះ។
ការប៉ះទង្គិចគ្នារវាងក្រុមរក្សាសន្តិសុខជាមួយនឹងកងទាហានដែលព្យាយាមរារាំងឡានប៉ូលិសដែលដឹកអ្នកទោសលាយគ្នាជាមួយនឹងក្រុម Muslim Brotherhood ឆ្ពោះទៅកាន់គុក Abou Zaabal នៅចម្ងាយប្រមាណ 60 គីឡូម៉ែតពីទីក្រុង Cairo ។ហេតុការណ៍បាញ់គ្នានេះកើតឡើងនៅមុនពេលដែលឡានប៉ូលិសបើកបរដល់ច្រកចូលទ្វារគុកហើយក្រុមអ្នកទោសបានព្យាយាមរត់គេចនៅខណ:ដែលមានអន្តរាគមន៍ជំនួយពីទ័ពដែលចាប់ប៉ូលិសបានជាចំណាត់ខ្មាំងហើយដោយការតបតក្រុមអ្នកទោសមួយចំនួនបានទទួលរងរបួស ចំណែកកងទ័ពដែលចេញមកជួយសង្គ្រោះនោះក៏ត្រូវបានបាញ់សម្លាប់អស់ជាច្រើននាក់ផង។
គួរបញ្ជា់ផងដែរថានៅក្នុងកិច្ចខិតខំស៊ើបអង្កេតមួយពីមូលហេតុនៃការប៉ះទង្គិចគ្នាកាលពីថ្ងៃសៅរ៍ដែលបានសម្លាប់មនុស្ស 79 នាក់នោះរដ្ឋាភិបាលបណ្តោះអាសន្នរបស់អេហ្ស៊ីបបានបញ្ជូនជនសង្ស័យដែលជាប់ពាក់ព័ន្ធប្រមាណ 612 នាក់ទៅដាក់ឃុំឃាំងរយ:ពេល 15 ថ្ងៃដើម្បីស៊ើបសួរ៕
មតិយោបល់