ប្រភពព័តរបស់មេត្រូ ដែលចុះ នៅថ្ងៃទី ២១ ខែ សីហា ម្សិលមិញនេះ បានឲ្យដឹងថ ក្លិបបាល់ទាត់តោខៀវ គោលដៅចំបងរបស់ខ្លួន គឺទិញកីឡាករ Robert Lewandowski ដែលបានអះអាងថា នឹងស្នាក់នៅបន្តជាមួយនឹងក្លិប Borussia Dortmund សម្រាប់កាលនេះ។
ខ្សែប្រយុទ្ធសញ្ជាតិប៉ូឡូញ នៅពេលនេះកំពុងតែមានលទ្ធភាពក្នុងការផ្លាស់ទីទៅកាន់ក្លិប Stamford Bridge នៅរដូវកាលនេះ បន្ទាប់ពីក្លិប Dortmund បដិសេធមិនលក់គាត់ទៅកាន់ក្លិប Bayern Munich ដែលជាគូប្រជែង ក្នុងក្របខណ្ឌ Bundesliga។
គ្រូបង្វឹក Jose Mourinho របស់តោខៀវ នៅតែខិតខំប្រមាញ់ កីឡាករ Lewandowski ខណៈដែលខ្លួនបរាជ័យ ក្នុងការស៊ើបសួរទិញកីឡាករ Wayne Rooney ។
ទន្ទឹមជាមួយនឹងគ្នានេះដែរ កីឡាករ Lewandowski បែរជាមានសុបិន្តប្រាថ្នា បញ្ច្រាសទិសដៅពី លោក Jose Mourinho ដោយចង់ទៅកាន់ក្លិប Bayern នារដូវកាលក្តៅបន្ទាប់ ដោយសារតែមានបញ្ហាជាមួយនឹងក្លិបខ្លួនបន្តិចបន្តួច។
កីឡាករ Lewandowski បាននិយាប្រាប់កាសែតអាល្លឺម៉ងថា បញ្ហាដែលខ្វែងគំនិតគ្នានោះ យើងបានដោះស្រាយរួចរាល់ហើយ ពោលគឺគ្មានបញ្ហាច្រើនជាមួយនឹងក្លិបនោះទេ ។ ជាមួយនឹងនេះ ខាងក្លិបកំពុងរៀបចំយុទ្ធសាស្ត្រ ធ្វើយ៉ាងណា ទទួលបានពានសម្រាប់រដូវកាលថ្មី ដោយបំបាក់គូប្រជែងដ៏ខ្លាំង Bayern Munich ៕
មតិយោបល់