កាលពីប៉ុន្មានថ្ងៃមុននេះ ក្រុមហ៊ុន Software យក្ស Microsoft បានប្រកាសជាផ្លូវការថា នាយកប្រតិបត្តិ ក្រុមហ៊ុន លោក Steve Ballmer សម្រេចចិត្តចូលនិវត្តន៍នៅក្នុងរយៈពេល ១២ខែទៀត។
ព័ត៌មាននេះពិតជាបានធ្វើឲ្យមហាជនមានការភ្ញាក់ផ្អើលយ៉ាងខ្លាំង ព្រោះថានៅក្នុងសេចក្ដីប្រកាស ក្រុមហ៊ុនមិនបានបញ្ជាក់ពីមូលហេតុនៃការចូលនិវត្តន៍នោះទេ។
បើតាមក្រុមអ្នកវិភាគស្ថានការណ៍ បាននិយាយថា ការប្រកាសចូលនិវត្តន៍ប្រហែលជាជាប់ពាក់ព័ន្ធនឹងរឿងបរាជ័យនៃទីផ្សារ Surface RT និង Windows 8។
ក្រុមអ្នកវិភាគដដែលបានលើកយកនូវហេតុផងមួយថា កាលពីប៉ុន្មានសប្ដាហ៍មុននេះ ក្រុមហ៊ុន Microsoft បានប្រកាសថា ខ្លួនបានខាត់បង់នូវទឹកប្រាក់ប្រមាណជា ៩០០លានដុល្លារអាមេរិកទៅលើ Surface RT ដែលនោះជាការបរាជ័យមួយដ៏ធំរបស់លោក Steve Ballmer ក្នុងឋានៈជានាយកប្រិបត្តិ។
បើតាមគំនិតរបស់ក្រុមអ្នកវិភាគ ក្រុមហ៊ុន Microsoft គួរណាស់តែជ្រើសរើសនាយកប្រតិបត្តិថ្មី ដែលមិនមែនជាបុគ្គលិករបស់ខ្លួននាពេលបច្ចុប្បន្ន ជាក់ស្ដែងដូចជាក្រុមហ៊ុន Yahoo ទទួលបានជោគជ័យយ៉ាងខ្លាំង ក្រោយពេលដែលអ្នកស្រី Marissa Mayer ឡើងកាន់តំណែងជានាយកប្រតិបត្តិមិនទាន់បាន ២ឆ្នាំផង៕
មតិយោបល់