ក្រុមហ៊ុន Samsung បានធ្វើការប្រកាសបង្ហាញផលិតផលពិសេសថ្មីមួយ គឺ Galaxy Tab 3 ដែលត្រូវបានបង្កើតឡើងយ៉ាងពិសេសសម្រាប់ក្មេងៗ។
Samsung Galaxy Tab 3 kids’ edition ត្រូវបានក្រុមហ៊ុន បញ្ចូលនូវកម្មវិធីជាច្រើនសម្រាប់តែកុមារដូចជា eBooks និងហ្គេម ជាលក្ខណៈអប់រំជាដើម។ Galaxy Tab Kids បំពាក់ដោយប្រើព័ន្ធប្រតិបត្តិការ Dual-Core 1.2 GHz និងអាចធ្វើការបង្ហាញបាន 124 x 600ភិចសែល ហើយប្រើប្រាស់ប្រព័ន្ធប្រតិបត្តិការ Android 4.1 ធ្វើឲ្យមានភាពងាយស្រួលក្នុងការប្រើ។
លើសពីនេះ ក៏បំពាក់មកជាមួយនូវកាមេរ៉ាមុខក្រោយដែលអាចថតបានយ៉ាងល្អ រួមបញ្ចូលទាំងឧបករណ៍ផ្ទុកទិន្នន័យដល់ទៅ ៨ ជីហ្គាបៃ និងមានរន្ធសម្រាប់ដោត MicroSD ដែលអ្នកអាចរក្សារទិន្នន័យបានបន្ថែមទៀត។
ឧបករណ៍ Tablet នេះត្រូវបានគេគ្រោងទុកសម្រាប់លក់នៅក្នុងប្រទេសកូរ៉េនៅខែក្រោយ ប៉ុន្តែទីបំផុតអាចនឹងមានលក់នៅក្នុងចក្រភពអង់គ្លេស សហរដ្ឋអាមេរិក តំបន់អឺរ៉ុប ចិន និងទ្វីបអាហ្វ្រិកផងដែរ៕
ព័ត៌មានជាតិ
មតិយោបល់